Diretór Jerál Kooperativa MAPPF, Celestino Barreto hatete, husi ezekusaun to’o iha semana kotuk ba Orsamentu Jerál Estadu (OJE) 2025, hetan pursentu 82,9, ezekuta ba kategoria saláriu vensimentu, bens servisu, transferénsia públiku ho nia atividade lima.

Nune’e, espera katak to'o iha fim  Dezembru bele ezekuta ho pursentu boot.

“Iha kategoria 4 ne'e implementa nia atividade iha setór agrikultura, oinsá atu dezenvolve produsaun hare no batar inklui ai fuan,” dehan nia ba Jornalista sira iha Salaun Delta Nova, Tersa (22/12).

Aliende ne’e nia hatutan, orsamentu ne’e ezekuta mós ba iha atividade seluk maka iha área peskas nian, liliu hodi sosa roo no mákina ne’ebé distribui ba peskadór sira iha munisípiu.

 Nia akresenta, iha área pekuáriu nian estabelese sentru hodi produs karau nia susu been, hodi fornese ba programa merenda eskolár nian, inklui sosa aimoruk vasina animal karau, manu no fahi no mós aimoruk vasina asu nian, hodi prevene animal labele hetan moras.

“Iha peskas nian oinsá atu hasa’e produsaun iha sentru sira ne'ebé produsaun ikan iha munisípiu sira,”nia afirma.

Entretantu, iha área floresta nian maka produs ai oan iha sentru víveirus hodi distribui ba komunidade sira kuda iha kintál inklui kuda ai iha fatin estratéjiku hodi prevene erozaun iha tempu udan.

Hakarak lee notisias kompletu no notisias sira seluk tan, bele asesu link e-paper INDEPENDENTE: https://dijital.independente.tl no Pajina website: www.independente.tl, edisaun Tersa (23/12/25).