Númeru Covid-19 Sa’e Maka’as, Governu Deside Eskola Balun Sai Fatin Izolamentu Featured

By Adelaide Dos santos Abril 29, 2021 441
Eskola Sekundária Tekniku Vokasional (ESTV) Bekora. Eskola Sekundária Tekniku Vokasional (ESTV) Bekora.

DILI: Governu liuhusi Gabinete Primeiru Ministru (PM) hamutuk ho Ministériu Saúde (MS) no Ministériu Edukasaun Juventude no Desportu (MEJD) deside ona sei uza Eskola Sekundária Tekniku Vokasional (ESTV) Bekora sei sai fatin izolamentu, relasionadu fatin izolamentu lima iha Dili la sufsiente ona.

Tuir Diretór Ensinu Sekundária Tekniku Vokasional Bekora Fransisco Guterres hatete, tuir lolós eskola la’ós atu fó ba governu, maibé desizaun husi Gabinete Primeiru Ministru no Ministeriu Saúde atu uza eskola ne’e sai fatin izolamentu, tanba eskola ne’e públiku tutela ministeriu Edukasaun.

“Eskola ne’e hanesan eskola Públiku ne’ebé tutela iha Ministériu Edukasaun Juventude no Desportu (MEJD) nune’e desizaun husi ita nia governu ita kopera,” dehan nia iha ESTV Bekora, kuarta (28/04).

Nia dehan parte Eskola kopera ho despaixu husi MEJD maibe eskola nafatin mantein nia pozisaun oinsa kordena didiak, karik sai fatin izolamentu ba maluk afetadu ba pandemia Covid-19, bele fó espasu uituan ba professor sira hala’o nafatin sira nia kna’ar, hodi fahe nafatin informasaun ba estudante liga ho eskola ba uma liuhusi online.

Tanba ne’e, eskola sei oferese de’it sala aula 16 ba sai fatin izolamentu, maibe sala neen ne’ebé rai ekipamentu ba pratika estudante sei la fó tanba material iha laran nakonu. 

Entretantu, Ministru  Edukasaun Juventude no Desportu Armindo Maia hateten, relasiona ho preokupasaun Ministériu saúde ho Sentru Integradu ba Jestaun Krize (SIJK) ba númeru pozitivu ne’ebé sa’e  no fatin izolamentu ne’ebé hahu la sufisiente, mak Ministeriu identifika ona eskola balun ne’ebé bele transforma sai fatin izolamentu.

“Ami identifika ona ESTV Bekora iha domingu (25/04) ne’e ami ba halo ona observasaun  ba kondisaun eskola nian,”dehan Armindo iha nia kna’ar fatin MEJD, vila verde, tersa (27/04).

Tuir nia, ESTV bekora bele fahe ba fatin rua, fatin dahuluk uza ba izolamentu no  fatin daruak uza ba aktividade eskolar.

Fatin izolamentu ne’ebé dadauk uza ba pasiente Covid-19 hamutuk lima, hanesan Tasi-Tolu, Vera Crus, Ospitál antiga Lahane, Otél Novo Orizente, SK Otél Metiaut.

Maibe, hafoin númeru kazu Covid-19 ne’e sa’e maka’as kada loron hamutuk 1114, tuir dadus foun kinta (29/4).

Evita Tramisaun Covid-19 B

Rate this item
(0 votes)

Independente Digital TV