Nova Zelándia iha Komprimisiu apoiu Ekonomia, Edukasaun no Turizmu TL Featured

By Mariano Mendonca Juñu 13, 2024 721
Vise-Primeiru Ministru no Ministru Negósiu Estranjeiru no Koperasaun Nova Zelándia, Winston Peters. Foto:Media PR. Vise-Primeiru Ministru no Ministru Negósiu Estranjeiru no Koperasaun Nova Zelándia, Winston Peters. Foto:Media PR.

DILI: Vise-Primeiru Ministru no Ministru Negósiu Estranjeiru no Koperasaun Nova Zelándia, Winston Peters ho Vise Primeiru Ministru no Ministru Koordenadór Assuntu Ekonómiku no Ministru Turizmu Ambiente Francisco Kalbuadi Lay deskute kona-ba Nova Zelándia apoiu ekonómia Timor-Leste (TL) no mós Edukasaun no Turizmu.

Vise-Primeiru Ministru no Ministru Negósiu Estranjeiru no Koperasaun Nova Zelándia, Winston Peters Agradese ba oportunidade atu bele hasoru malu ho Vise Primeiru Ministru interinu. hatene katak iha razaun ida, Primeiru Ministru Timor-Leste laiha fatin tanba ne'e enkontru ida ne'e ho PM interinu kona-ba oinsá mak Nova Zelándia bele apoiu TL.

Iha enkontru ne'e la'o di'ak tebes ho hanoin sira ne'ebé fahe  kona-ba dezenvolvimentu Timor nia futuru, Timor-Leste no Nova Zelándia hanesan   paíz rua ne'ebé belun di'ak no iha legasia  ne'ebé forte dezde dékada tolu ka haat ba kotuk.

"Nova Zelándia nafatin iha komprimisu atu apoiu Ekonomia Timor-Leste nian, liu husi apoiu ba rendimentu rural povu ninian, Edukasaun no Turizmu," nia dehan hafoin hasoru Vise Primeiru Ministru no Primeiru Ministru interinu iha Gabinete VPM MKAE-MTA Farol, Kuarta (12/06).

Nia hatutan, Nova Zelándia mós parabeniza vise PM Francisco Kalbuadi Lay ne'ebé lori ona Timor-Leste nia adezaun ba Organizasaun Mundiál Komersiu (OMK) nian.

Nova Zelándia sei kontinua apoiu Timor-Leste nia adezaun ba ASEAN liu husi asesu ba formasaun Lian Ingles no formasaun sira seluk ne'ebé bele tulun hasae abilidade no konesimentu Timor oan sira nian.

Nova Zelándia haree katak, Timor-Leste hanesan nasaun ida ne'ebé hakmatek tebes no ho beleza ne'ebé kapás liu iha Timor.

Iha fatin hanesan, Primeiru Ministru interinu atual Vise Ministru-Primeiru no Ministru Koordenadór Assuntu Ekonómiku no Ministru Turizmu Ambiente, Francisco Kalbuadi Lay, hato’o agradese ba Vise PM Nova Zelándia belun di'ak la'ós agora dezde uluk kedas husi área kapasitasaun rekursu umanu.

"Onra tebes ohin loraik simu vise primeiru-Minustru mai husi Nova Zelándia. Hatene katak Nova Zelándia belun di'ak tebetebes la'ós agora dezde uluk kedas liu husi área kapasitasaun rekursu umanu nune'e mós iha area Defeza," tenik nia.

Rate this item
(0 votes)
Last modified on Kinta, 13 Juñu 2024 15:31

Independente Digital TV