Enkuantu, sasan ne’ebé nia faan iha situasaun normal kada loron nia hetan rendementu dolar amerikanu $75 to’o $80, kompara ho situasaun serka sanitaria no estadu emerjensia.

“Tempu agora iha estadu emerjensia no serka sanitaria kada loron ami hetan dolar amerikanu 25 to’o ba $30, tanba aifuan sira ne’e ema la mai sosa entaun balun dodok ami lori ba so'e iha lixu fatin,”dehan nia ba Online INDEPENDENTE iha Lesidere, kuarta horseik (28/07).

Nia hatutan,produtu lokal ne’ebé nia faan mak hanesan, hudi, aidila, lakeru, tomate, lis no seluk tan.

Tuir nia, sasan ne’ebé sira faan mak hodi sustenta nesesidade uma laran no oan sira nia estudu, nune’e maske udan, anin no loron manas sira tenki esforsu an halo negosiu hodi hetan netik osan uituan.

Nia konta tuir katak, nia iha oan na’in 11 kompostu husi mane na’in 6 no feto na’in 5. Nune’e oan balun iha ona banku universidade.

Entretantu, Maria do Carmo espresa ho sentimentu triste katak, sira faan husi dader to’o kalan maibé ema la sosa sira nia sasan, oinsa mak atu bele sustenta nesesidade uma laran no oan sira nia eskola.

Asistente Editor: Saturnina da Costa