Tuir Sekretaria Estadu Protesaun Sivil (SEPS), Joaquim Gusmão dos Reis hatete, kuaze Embaixada sira ne’ebé iha Timor-Leste fó apoiu ona ba vitima inundasaun sira.
Ho nune’e nasaun internasional sira ne’ebé apoiu ona Timor-Leste mak hanesan, Amerika, Australia, Japaun, xina, no mós Indonezia.
"Apoiu sasan no aihan sira husi nasaun Autralia liu husi Partner Human Development (PHD), Xina fo apoiu osan rihun US$ 106 no US$ 100 liu husi world Food Programme (WFP) no mós nasaun Amerika liu husi International Organization For Migration (IOM) ho montante osan US$ 100, no balun apoiu liu husi Cruz Vermellha hodi apoiu sasan no aihan sira, "dehan nia iha Aeroporto Nikolau Lobato, Comoro (12/04).
Entretanto, Nasaun Japaun liu husi Ajensia JIKA apoiu mós umaniatria hanesan Manta ho kuantidade 500.
Aliende nasaun internasional sira apoiu umanitaria mai Timor-Leste, nune’e mós nasaun Timor-Leste rasik iha kompaña balun, setor privadu no mós individu balun fó apoiu umanitaria ba iha vitima inundasaun sira liu husi SEPS.
Apoiu hirak ne’e mak hanesan, fós, mina, supermie, kulisaun, lona, nesesidade ijiene no mós sasan dapur nian.
Jornalista:Saturnina da Costa
Editor:Jose Sarito Amaral
