Tersa, 11 Maiu 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-05-10&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Dengue Dengue

MS Rezista Kazu Dengue 337 Iha Fulan Rua Featured

DILI: Ministeriu Saude rezista kazu dengue hamutuk 337 iha fulan rua nia laran.

Diretora Jeral Prestasaun Saude, Odete da Silva Viegas hatete, durante fulan nia laran hahu husi loron 1 fulan janeiru to’o loron 20 fulan fevereiru tinan 2021, Ministeriu Saude liu husi  Diresaun Nasional Kontrola Moras rezista kazu Dengue hamutuk 337.

“ Iha ita nia rain iha mós moras ida ne’ebé ita presiza tau atensaun mak moras ida ita bolu Dengue, tanba iiha fulan rua nia laran hahu husi loron 1janeiro to’o loron 20 fulan fevereiru, Ministeriu Saude liu husi Diresaun N asional Kontrola Moras rezista kazu Dengue hamutuk 337,” dehan nia ba jornalista sira iha Konferensia Imprensa ne’ebé hala’o iha CCD, Merkadu Lama, Dili,(20/02)

Nia esplika, Iha fulan janeiru Ministeriu Saude liu husi Diresaun Nasional Kontrola Moras rezista kazu Dengue hamutuk na’in 183 enkuantu husi numeru ne’e na’in ida mate, no iha fulan fevereiru hamutuk ema na’in 154.

Nune’e Munisípiu ne'ebé identifika kazu dengue aas mak hanesan, Dili 204 (60.5%), Baucau 56(16.6%), Bobonaro 23(6.8%),Ermera13(3.9%),Manatuto 10(3.0%), Manufahi 8 (2.4%)husi numeru ne’e na’in Mate1, kovalima 8 (2.4%), Ainaro 7 (2.1%), Liquica ho Lautem : 4 (1.2%).

Nia akresenta, kazu dengue bazeia ba klasifikasaun Sexu, Mane : 167 (49.6%) no Feto: : 170 (50.4%)

Entretantu, kazu Dengue haree ba klasifikasaun idade ne'ebé afeta liu mak, idade 5 to’o 14 hamutuk 127 (37.7%), idade 1 to’o 4 hamutuk 104 (30.9%), idade 15 to’o 25 hamutuk 63 (18.7%), idade 25 to’o 49 hamutuk 23 (6.8%), labarik menus tinan ida hamutuk 14 (4.2%) no idade 50 hamutuk na’in 6 (1.8%)

Ministeriu Saude husu ba komunidade ida-idak atu nafatin hamos sira nia hela fatin, tanba agora dadauk temo udan, nune’e presiza atu hadia ambiente atu ijiene no halo prevensaun ba moras dengue ne’e rasik.

Read 471 times
Rate this item
(0 votes)