MS Konsidera EE Ba Datoluk Perigu Liu Featured

By Elsa Belinha Juñu 05, 2020 2199
Ministra Saúde Odete Maria Freitas Belo. Ministra Saúde Odete Maria Freitas Belo.

DILI: Ministeriu Saúde (MS), konsidera Estadu Emerjensia ba dala toluk ne’e perigiu liu duke Estadu Emerjensia ba dahuluk no daruka nian, tanba oras ne’e fó fleksibilidade ba ema hotu atu hala’o atividade hotu.

Ministériu Saúde (MS), propoin ba ekipa Sentru Integradu Jestaun Krize (SIJK), atu servisu makas liután iha Estadu Emerjensia ba da toluk ne’e hodi kombate Corona Virus (Covid-19), iha rai laran.

Ministra Saúde Odete Maria Freitas Belo hatete, nia parte vizita sala situasaun SIJK ne’e atu hatene di’ak liután servisu SIJK nian no atu hatene ema sira ne’ebé maka servisu iha SIJK ne’e rasik.

“Estadu Emerjensia datoluk ne’e perigu liu ho Eestadu Emerjensia  dahuluk no daruak ne’e, tanba agora ne’e fó flexibilidade ba atividade hotu-hotu atu la’o entaun ema uza flexibilidade ida ne’e la kumpri ona protokolu sira ne’ebé maka iha. Entaun husu ba SIJK atu servisu makas hodi halo prevensaun ne’ebé di’ak liután,” dehan  nia, iha CCD, horisehik.

Sentru Integradu Jestaun Krize tenke haforsa liutan servisu atu halo prevensaun Covid-19 ne’e tanba iha Estadu Emerjensia datoluk ne’e fó flexibilidade ba atividade hotu-hotu atu la’o.

Rate this item
(0 votes)

Independente Digital TV