MOP Sei Orienta Hadia Lalais Ponte Weru Koco-Lautem Featured

By Jacinto Xavier Maiu 22, 2020 2902
Ponte weru koco, Lautem-Lospalos. Foto Job Ponte weru koco, Lautem-Lospalos. Foto Job

DILI:Ministériu Obras Públika (MOP) sei toma atensaun lalais ba ponte weru koco, besik Monumentu Masakre Apikuru 1999, iha Munisipiu Lautem.

Ponte Weru-Koco ne’e liga estrada nasional Diresaun Dili-Lospalos, Lautem ohin (22/5), madrugada tohar, tanba kauza husi udan boot ne’ebé akontese kuaze oras 24 nia laran.

Ponte ne’e lokaliza iha Suku Baduru, Postu Administrativu Lautem, Munisipiu Lautem, besik Monumentu Apikuru (Monumentu Masakre 25 Setembru 1999).

Diretór Jerál Obras Publika (MOP), Rui Hernani hateten ba INDEPENDENTE Online katak, ponte ne'ebé mota sobu, ne'e hanesan obra ida iha prosesu konstrusaun dalan nasional liga ba munisipiu.

Tanba ne'e parte MOP sei haruka kompaña Xina (la temi naran kompañia) ne'ebé kaer obra ne'e bele toma asaun, ho nesesariu no imediatu, hodi solusiona pontu ne'e hodi garantia nafatin movimentasaun públiku nian.

Rate this item
(0 votes)

Independente Digital TV