Molok Aranka Ba Australia, Traballador Na’in 73 Asina Deklarasaun ho SEFOPE Featured

By Rufino Barreto Abril 25, 2024 248
Molok aranka ba servisu iha Australia, traballador Timor oan hamutuk ema na’in 73 asina deklarasaun ho Sekretariu Estadu Formasaun Profesional no Empregu (SEFOPE) liu husi Diresaun Nasional Empregu no Estranjeiru (DNEE). Foto:Media SEFOPE-DNEE. Molok aranka ba servisu iha Australia, traballador Timor oan hamutuk ema na’in 73 asina deklarasaun ho Sekretariu Estadu Formasaun Profesional no Empregu (SEFOPE) liu husi Diresaun Nasional Empregu no Estranjeiru (DNEE). Foto:Media SEFOPE-DNEE.

DILI: Molok aranka ba servisu iha Australia, traballador Timor oan hamutuk ema na’in 73 asina deklarasaun ho Sekretariu Estadu Formasaun Profesional no Empregu (SEFOPE) liu husi Diresaun Nasional Empregu no Estranjeiru (DNEE).

Diretór Jerál SECoop representa SEFOPE , Olderico Lopes, ne’ebé reprezenta Sekretario Estadu Formasaun Profisonál no Empregu interinu, husu ba traballadór Timor-oan na’in 73 ne’ebé hetán tán oportunidade atu ba servisu iha Australia hatudu dezempeiñu di’ak, no responsabilidade nu’udár ema edukadu, instruidu, siviku no sivilizadu.

“Aproveita oportunidade ne’e atu hameno ba alin traballadór sira katak, kualkér servisu ne’ebé ita atu halo, iha ne’ebé de’it bainhira ita tenki halo hó laran tomak no hatudu dezempeiñu no responsabilidade, nu’udár sidadaun Timor-oan ne’ebé edukadu, instruidu, síviku no sivilizadu," Dehan Nia ba Jornalista sira iha salaun SEFOPE Kaikoli, Kuarta (24/04)

Traballador Timor oan sira iha oportunidade atu  ba servisu iha rai-liur, hanesan oportunidade osan mean  ne’ebé iha no  bele hadi’a ekonomía família no mós bele aprende tán esperenisa servisu foun iha ema nia rain.

"Ba Servisu iha rai-liur ne’e nu’udár oportunidade osan-mean ida, atu bele atende nesesidade ekonomía família, no mós nu’udár fatin formasaun ida ba imi atu hare'e no aprende saida mak iha no imi halo iha nasaun ne’ebé imi ba servisu” Hateten DJ SECoop.

Iha fatin Diretór Jerál Formasaun Profisionál no Empregu Carlito do Rosario Cabral, husu ba traballadór Timor-oan na’in 73 ne’e, ba servisu iha Australia atu labele hanoin halai ses husi Sistema, tanbá halai ses husi Sistema sei taka dalan ba empregadór sira iha Australia atu emprega tán joven Timor-oan sira ne’ebé he’in hela oportunidade servisu.

Entretantu traballadór Timor-oan na’in na’in hitu-nulu-resin-tolu (73) ne'e, kompostu husi mane ema na’in lima-nulu-resin-lima (55), no feto ema na’in sanulu-resin-ualu (18), ne'ebé sei ba servisu iha kompañia lima maka hanesan, Top of the Crop, Sundrop Farm, Berry Pays, Gillainey Orchard no MADEC.

Rate this item
(0 votes)

Independente Digital TV