MJ simu lista pedidu Indultu ba Prizioneiru 100 resin Featured

By Martinha da Cruz Abril 30, 2024 360
Ministru Justisa, Sergio da Costa Hornai. Foto:Dok. Ministru Justisa, Sergio da Costa Hornai. Foto:Dok.

DILI: Relasiona ho loron restaurasaun independensia ba tinan 22 ne’ebé monu iha 20 Maiu tinan ne’e, Ministériu Justisa simu ona pedidu indultu 100 resin.

Ministru Justisa, Sergio da Costa Hornai informa, nia parte simu ona lista indultu ba prizioneiru 80 to’o 100 resin.

Hafoin simu lista ne’e, nia dehan, nia parte sei halo ezersisiu molok haruka lista ba Primeiru Ministru, Kay Rala Xanana Gusmão.

“Ita halo ezersisiu oinsa atu bele kanaliza lista sira ne’e ba iha Primeiru Ministru nia liman, no Primeiru Ministru iha nia kompetensia konstituisionál, politika atu bele fó indultu no fó komutasaun pena, maibé depende ba lista sira ne’ebé mak ita aprezenta ba,” dehan Sergio iha salaun MJ, Segunda (29/04).

Iha parte seluk, Diretór Prizaun Suai, Roberto de Aroujo hatete, nia parte hatama ona lista pedidu indultu ba Ministériu Justisa.

Iha pedidu ne’e, nia dehan, prizioneiru na’in tolu iha prizaun Suai mak konsidera merese ona atu hetan indultu.

“Kondenadu ema na’in tolu mak atu hetan indultu iha 20 Maiu, fulan oin, ami-nia lista ne’e ami aprezenta iha semana rua liu ba,” dehan nia.

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31