Kareta hirak ne'e sosa ho osan OJE 2022. Ho nune’e, kada kareta ida nia folin dolar amerikanu $38.000.000 no forklip ida folin $31.000.00 ne’ebé fornese husi Kompañia Autor Timor, Lda.
Diretór Lojistik Nasional Ministeiru Interior (MI), Fernando da Silva Cardoso, hateten kareta marka Hi-lux manual unidade 21 ho forkip ida ne'e fornese husi Kompaña Auto Timor, Lda entrega ba lojistika nasional tanba finaliza ona inspeksaun no nia kondisaun di'ak hodi entrega ba Autoridade Protesaun Sivil hodi halo servisu operasional.
"Kareta unidade 21 ho forklip ida, ami halo inspeksaun ba kareta hirak ne'e nia kondisaun di'ak hodi entrega ba Autoridade Protesaun Sivil bele utiliza halo servisu operasional,”dehan nia iha Edifisiu SEPS, Kaikoli, segunda (27/02).
Diretór ne’e hatutan, kareta unidade 21 ho forklip ida ne'e Kompaña Auto Timor, Lda mak hatama, tanba sira mak manan tender iha tinan 2022 nian.
Nia dehan, tuir planu kareta hirak ne’e sei distribui ba munisipiu hodi halo atendementu ba vitima dezastre naturais sira.
Iha fatin hanesan Prezidente Autoridade Protesaun Sivil (APS) Superintendente Polísia Ismail da Costa Babo hatete, Kareta unidade 21 ho forklip ida ne'e Ministeriu Interior mak halo prosesu tenderizasaun sosa hodi entrega ba APS hodi fasilita servisu operasional.
"Kareta hirak ne'e, Ministru Interior mak halo prosesu entrega ba ami hodi distribui ba komandu Munisipiu 13 inklui RAEOA ho diresaun sira iha nasional apoiu servisu operasional ba dezastre iha TL”.
