Diretór Jerál Administrasaun Finansas MEJD, Antoninho Pires hateten, MEJD deside ona no sei prepara baga Ba professór voluntáriu na’in 470, hodi fasilita programa ne’e.
"Ita identifika ona aldeia iha Dili laran hamutuk 222. Ami sei koloka kada aldeia Professor voluntariu na’in rua, nune'e bele fasilita labarik sira atu aprennde," nia hateten iha MEJD, Kuarta (20/07/2022).
Husi aldeia 222 ne'e MEJD sei prepara professor na’in 444, maibé MEJD loke vaga ba Professor hamutuk 470.
Implementasaun programa pilotajen eskola ba uma, sei fasilita labarik sira ne'ebé mak ho tinan 5 to'o 7 iha munisipiu Dili, hahu iha fulan ida nse'e ho orsamentu retifikativu hamutuk millaun $2-resin.
Molok ne'e, Diretór Jerál Ensinu Sekundáriu MEJD, Luis Manuel da Costa Fernandes, informa ona katak, Governu iha responsabilidade boot atu buka tuir labarik sira ne’ebé durante ne’e Ia asesu ba edukasaun pré-eskolár no ensinu báziku hodi fó formasaun ba sira liuhosi programa eskola iha uma.
