Durante diskusaun, Weststart Engineering destaka indústria Halal ne'ebé maka'as iha Malázia, ne'ebé maka atinji liu USD 100 billoens iha esportasaun sira iha tinan kotuk, ne'ebé maka hetan apoiu hosi perísia liu tinan 40. Empreza hatudu prontidaun atu fahe esperiénsia ne’e ho Timor-Leste, hodi fó apoiu ba estabelesimentu órgaun sertifikasaun Halal nasionál.

Ministru Nino Pereira subliña katak sertifikasaun Halal la’ós de’it kestaun kumprimentu maibé mós instrumentu estratéjiku ida, atu habelar oportunidade komérsiu Timor-Leste. Ho sertifikasaun ne'ebé loloos, PME lokál sira ne'ebé produz kafé, peska, no produtu agríkola sira bele asesu ba merkadu foun sira iha nasaun sira OIC nian, Médiu Oriente, no Malázia.

“Inisiativa ida ne’e aliña ho Timor-Leste nia vizaun ne’ebé luan liu bainhira nia prepara atu sai uma-na’in ba Simeira ASEAN nian iha tinan 2029, marku ida ne’ebé sei hatudu nasaun nia lideransa no kompromisu ba kooperasaun rejionál. Ministru Pereira nota katak avansa sertifikasaun Halal sei hametin Timor-Leste nia kredibilidade no vizibilidade bainhira simu líder ASEAN no parseiru internasionál sira,” Dehan nia liu husi komunikadu ne’ebé online INDEPENDENTE asesu, Kuarta (17/06).

Enkontru ne’e konklui ho parte rua ne’ebé konkorda atu kontinua konsulta téknika no esplora pasu konkretu ba implementasaun inisiativa sertifikasaun Halal, reforsa Timor-Leste nia vizaun kona-ba diversifikasaun ekonómika no parseria internasionál.