Santo Papa Francisco ho naran orijen Jorge Mario Bergogio, moris iha Suku Flores, Buenes Aires, iha Argentina, iha loron 17 fulan-Dezembru tinan 1936.
Papa Francisco moris husi Aman naran Mario José Bergoglio no inan naran Regina Maria Sívorí.
Papa Francisco eleitu nu’udar pontifíse supremu iha loron 13 fulan-Marsu tinan 2013, nu’udar Papa ba dala-266.
Santo Papa Nia moris tomak dedika ba servisu ba Maromak no ba nia Igreja.
Papa mós hanorin ita atu moris ho valor sira husi Evangellu ho lealdade, korajen, no amor universal, liuliu ba ema kiik no marginalizadu.
Santu Papa Francisco hakotu nia viajen moris iha mundo ne’e iha loron 21 fulan-Abril, tinan ne’e iha tuku 07:35 dader oras lokal, no tuku 03:35 lokraik oras Timor-Leste.
Nune’e, ohin loron 26 fulan-Abril, tinan ne’e, nuudar loron deskansa ikus ba Santo Papa.
Hafoin ba halo’ot Santu Papa nia isin mate iha Basilika Santa Marta Maiór, selebra mós misa funeral iha Vatikanu Roma, no inklui iha Timor-Leste.
Tuir observasaun Online ne’e nian liu husi Vatican News haree katak, misa funeral ba Santo Papa nia iha Vatikanu, partisipa husi sarani lubun boot, Padre, Madre, Kardeál no Bispo sira husi nasaun oioin, no mós Xefe Estadu sira husi nasaun katoliku sira.
Enkuantu, misa funeral ba maktoban Santo Papa nian ne’ebé hala’o iha Tasi-Tolu, hetan partisipasaun maximu husi sarani sira, padre, madre, Lider Nasional, membru Parlamentu Nasional no mós membru Governu sira.
Relembra fali katak, Papa Francisco vizita ona Timor-Leste iha loron 9 to’o 11 fulan-Setembru tinan 2024.
