Tuir Vise Ministru Administrasaun Estatal hanesan mós Prezidente Juri ba Komisaun Rekrutamentu, Lino de Jesus Torrezão hatete, Administrador ho Prezidente Autoridade munispiu lima ne’ebé tuir konkursu ne’e mak hanesan, Dili, Manatuto, Likisa, Ermera no Bobonaro.
“Agora kandidatu iha munisipiu hat ne’ebé halo ona konselu konsultivu munisipal iha kada munispiu mak hanesan, Likisa, Ermera Bobonaro no Manatuto, enkuantu kandidatu hirak ne’e submete ona ba iha Konsellu Ministru hodi hein deliberasaun,”dehan nia ba Online INDEPENDENTE iha knar fatin, MAE Kolmera Dili, segunda ohin (14/06).
Nia hatutan, Munispiu Dili seidauk bele halo Konselu Konsultivu Munisipal tanba Governu implementa hela serka sanitaria ho konfinamentu obrigatoriu, no labele halibur ema barak.
Tanba ne’e, ba munisipiu Dili, MAE planea ona atu halo Konsellu Konsultivu Munisipal (KKM) iha kuarta semana ne’e.
Nia akresenta, bainhira Konselu Ministru delibera ona kandidatu hirak ne’e, signifika sira assume ona knar hanesan Prezidente Autoridade no Administrador Munisipiu.
Nune’e, iha tempu hanesan sei ezonera sira ne’ebé hala’o hela knar.
Aliende, Prezidente Autoridade no Administrador simu tomada de pose, sira sei tuir formasaun loron hat iha Munisipiu Dili, hafoin simu pose.
teste eskrita ba kandidatu Presidente Autoridade Munisipal (PAM) iha Munisipiu lima.
Entretantu, naran kandidatu administrador munisipiu Likisa ne’ebé liu mak hanesan, Antonio da Silva Pinto 12.4, João Alegria de Jesus 12.2, Pedro Barreto 15 no Pedro Paulo Gomes 15.8.
Kandidatu administrador munisipiu Ermera mak hanesan, Eusébiu Salsinha 15, João Mestre Madeira 11.4, José da Costa Domingos 12, Júlio dos Reis Exposto 10.2 no Maria Odete Barros Florindo 10.2.
Kandidatu munisipiu Bobonaro mak hanesan, Eliseu Lopes de Araújo 13.6, Ernesto de Oliveira Barreto 17.6, Paulino Viegas Tilman 17.2 no Rosário Gonçalves 11.4.
Kandidatu Munisipiu Manatuto mak hanesan, Bernardo Lopes 18.2, Eduardo Guterres 17.4, Gaspar Henrique da Silva 10.2, José Emílio Gonçalves da Costa Pereira dos Reis 16.4 no Paulo Natalino Doutel da Silva Soares 11.
naran kandidatu Administrador Munisipiu Dili ne’ebé liu iha teste mak hanesan, Abilio Mesquita ho valor 13.2, Antonio Moniz Calau ho valor 13.2, Guilhermina Filomena Saldanha ho valor 13.6, Ivete de Fatima Sarmento de Oliveira ho valor 13.2, Manuel da Silva ho valor 10 no Sabino da Costa ho valor 11.8.
Enkuantu, Prezidente Autoridade Munisipiu Na’in 6 ne’ebé antes ne’e simu ona pose no hala’o ona knar mak hanesan, Prezidente Autoridade Munispiu Baucau, Luatem, Vikeke, Ainaro, Aileu no Covalima.
Asistente Editor: Saturnina da Costa
