Sábadu, 23 Outubru 2021 | Login
×

Atenção

JUser: :_load: Não foi possível carregar usuário com ID: 428
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-10-21&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
: Ministru Administrasaun Estatál, Dionísio Babo Soares : Ministru Administrasaun Estatál, Dionísio Babo Soares

MAE Hakarak Eleisaun Ronda Ida De’it Featured

DILI: Ministru Administrasaun Estatál (MAE), Dionísio Babo Soares hakarak eleisaun ne’e ronda ida de’it. Atu nune’e, labele estraga osan barak iha eleisaun prezidensiál períodu 2017-2022.

Nia esplika, kuandu laiha segunda ronda eleisaun prezidensiál nian, entaun bele poupa osan no bele fila fali ba iha kofre estadu nian.

“Maibé maluk sira hakarak vota arbiru de'it, entaun prontu kontinua ba segunda ronda, ne’e ita lakon osan barak liután,” dehan Dionísio, iha edifísiu Sekretariadu Tékniku Administrasaun Eleitorál (STAE), Kaikoli-horisehik.

Nia dehan, orsamentu fahe iha primeira volta ne’e sosa sasán sira ne'ebé atu uza ba eleisaun prezidensiál no karik iha segundu ronda mak iha, entaun gasta kuaze tokon $5.

Prosesu atu hasai osan ne’e difisil uitoan tanba tama iha verba dotasaun toda governu. Entaun presiza halo proposta foun mak foin bele hasai fali osan.

Nia dehan, hanesan uluk tau hamutuk iha STAE nian ne’e fasil. Maibé agora ne’e diferente, prosesu tenke liu husi kanál ne'ebé tuir lei halo maski osan ne’e mai ona iha eleisaun, tenke prepara proposta foun mak foin ezekuta.

Labele Fó Presaun Psikolojia ba STAE

Hataan ba deklarasaun Ministru Dionísio Babo Soares, Diretór Ezekutivu Forum Organizasaun Naun Governamentál Timor-Leste (FONGTIL), Arsénio Pereira hateten, pensamentu ministru nian atu poupa osan ne’e di'ak, maibé votasaun atu iha segunda ronda ka lae ne’e depende ba eleitór sira, tanba sira mak sei deside.

Maski nune’e, ba nia bele akontese ronda ida de’it, tanba kandidatu Francisco Guterres ‘Lu-Olo’ hetan apoiu barak liu husi partidu polítiku no ema individuál sira.

Maibé, nia esplika, kuandu Dionísio Babo ko’alia katak hakarak eleisaun ronda ida de’it nu’udar ministru, ne’e bele afeta ba servisu STAE nian, tanba administrativamente STAE iha MAE ninia okos.

“Iha enkontru STAE mak ministru ko’alia hanesan ida ne’e bele fó presaun psikolojia ba STAE,” dehan Arsénio.

Maibé, tuir nia, STAE sei halo servisu ho profisionál tuir sira ninia promesa no juramentu ne’ebé sira halo ona bainhira atu hala'o servisu ne’e.

 

Read 3597 times
Rate this item
(0 votes)

About Author