“Ohin nu’udar loron nasional veteranu, ita ida-idak halo reflesaun ba buat ne’ebé pasajen, liu ona ba kotuk hodi reafirma prezente no projeta iha futuru,” dehan nia iha ámbitu isár bandeira iha semana dahuluk no mós loron nasional veteranus ba dala-VIII, ne’ebé hala’o iha MAKLN, Komoro, Dili, segunda ne’e (03/03/25).
Governante ne’e hatutan, iha loron nasional veteranus husu ema hotu atu fó agradementu ba éroi no martires ne’ebé fó aan ba libertasaun partria ida ne’e.
“Ita agradese ba éroi sira tantu labarik kiik, feto no mane, katuas ferik ne’ebé dedika sira nia-aan ba libertasaun partria ida ne’e,”tenik Ministru Gil.
Entretantu, loron nasional veteranus, 03 marsu 1981. loron istóriku ne’e mai husi konferensia nasional FRETILIN iha Maubai Vikeke, iha loron 03 fulan-Marsu tinan 1983, iha ne’ebé, orientasaun ne’e mai husi membru Komité Sentrál FRETILIN sobrevivente na’in tolu hanesan, Kay Rala Xanana Gusmão, Adjuntu Tchai no Ma’hunu Bulerek Karathayano.
