Sexta, 24 Setembru 2021 | Login
Faustino Cardoso Gomes noemadu hikas ba Presidente KFP. Faustino Cardoso Gomes noemadu hikas ba Presidente KFP.

La Konsege ba Ministru, Faustino Fila Hikás Lidera KFP Featured

DILI:Primeiru Ministru Taur Matan Ruak nomeia hikás Faustino Cardoso Gomes ba Presidente Komisaun Funsaun Públika (KFP), maski públiku seidauk hetan esklaresimentu kona-ba naran Faustino Cardoso iha lista membru Governu foun.

Semana kotuk, Xefe Governu aprejenta lista membru governu foun inklui naran Faustino Cardoso nuudar Ministru Administrasaun Statal (MAE) ba Presidente Repúblika Fransisco Guterres Lú Olo.

Maibé hein seidauk simu posse, PM Taur aprejenta fali naran Faustino Cardoso ba Konsellu Ministru atu lidera hikas KFP.

Komunikadu ne’ebé INDEPENDENTE Online simu, kuarta ohin hatete, Governu liu husi enkontru Konsellu Ministru aprova rezolusaun ne’ebé aprezenta husi Primeiru Ministru Taur Matan Ruak hodi nomeia fila fali Faustino Cardoso ba Gomes nuudar Prezidente Komisaun Funsaun Públika ba mandatu tinan lima mai.

"Konsellu Ministru aprova prozetu rezolusaun governu ne’ebé aprezenta husi Primeiru Ministru Taur Matan Ruak atu nomeia fila fali odi nomeia fila fali Faustino Cardoso ba Gomes nuudar komisariu Prezidente Komisaun Funsaun Públika  ba mandatu tinan lima mai,”dehan komunikadu ne’e.

Iha komunikadu nee mos hatete, governu nomeia mós Maria de Jesus Sarmento atu sai Komisaria Funsaun Públika , no Carmenza dos Santos monteiru hodi ezerse sira nia mandatu durante tinan lima.

Alende ne’e komisariu na’in tolu ne’ebé governu nomeia, Parlamentu Nasionál mós sei nomeia komisariu na’in rua. entertantu tuir planu komisariu funsaun públika (KFP) nia mandatu sei remata iha loron 29 Maiu 2020.

Read 2861 times
Rate this item
(0 votes)