Kuda Fini Hare Husi Brunei, MAPPF Implementa ona Projetu Pilotu iha Munisipiu Rua Featured

By Rufino Barreto Abril 24, 2024 135
Foto:Google. Foto:Google.

DILI: Governu liu husi Ministériu Agrikultura, Pekuária, Peska no Floresta (MAPPF) implementa ona projetu pilotu kona ba kuda fini hare oan iha Munisípiu Baucau, Vemase no Maliana, ne’ebé fornese husi nasaun Brunei.

Fini hare husi Brunei ekipa ekstensionista sira kuda ona iha Janeiru 2024 no fini hare sira ne’e komesa boot ona, depois sei halo lansamentu iha fulan Maiu tinan ne’e.

Diretór Jerál Agrikultura, Kafé Planta no Indústria, Martinho Laurentino Soares haktuir, fini hare ne’e fornese husi nasaun Brunei hodi fó mai Ministériu Agrikultura atu kuda hanesan pilotu ida. Fini hare ne’e, sira fornese pakote rua ne’ebé Ministériu fahe pakote ida ba Baucau no ida ba Maliana.

“Nasaun Brunei eferese fini hare pakote rua ne’e mai ita tanba sira hakarak mós atu investe iha ita nia rain liu-liu iha produsaun hare," dehan nia ba Jornalista INDEPENDENTE iha nia knaar fatin Komoro, (23/04).

Entretantu sira koko uluk kuda fini hare ne’e hanesan projetu pilotu ida, kuandu iha ona rezultadu maka sira sei mai fali atu diskute liu tan asuntu ne’e ho governu no mós ho Ministériu Agrikultura

Nia dehan, Brunei entrega fini hare ba Ministériu Agrikultura iha fulan Janeiru nu’udar projetu pilotu ne’e, kuandu iha ona rezultadu sira sei prontu atu halo investimentu boot liu tan no sira husu ona rai mais un menus natar ektare 40 hodi kuda hare Brunei iha Timor, hodi nune’e bele apoiu hasa’e produsaun iha Timor atu bele redús esportasaun foos husi rai li’ur.

Tuir nia katak husi implementasaun projetu pilotu kuda fini hare Brunei iha fatin rua ne’e hatudu ona progresu di’ak, tanba fini hare sira ne’e moris kapás loos kuaze iha ona 75%.  No tuir planu Maiu fulan oin bele realiza ona serimónia lansamentu koleta ba fini hare ne’e.

Espera katak lansamentu ne’e sei hetan partisipasaun husi na’in ulun sira hodi nune’e bele fó kbiit no forsa ba produsaun hare iha rai laran atu nune’e nasaun Brunei bele realiza kooperasaun di’ak ho Timor-Leste hodi investe makas liu tan iha setór agrikultura.

Nune’e mós Diretór Nasional Ortikultura, Lucio Ramiro Ribeiro afirma katak projetu pilotu kuda fini hare Brunei iha Vemase no Maliana I ne’e la’o di’ak tanba fornesimentu bee ba natar mós kapás los. Portantu hare no batar sira ne’ebé kuda ona.

 Ministériu seidauk simu ninia rezultadu, espera katak fulan Maiu, Diresaun bele hetan ona dadus sira husi kada Munisípiu atu nune’e Ministériu bele halo kalkulu ba tarjetu ne’ebé governu planeia ona.

Rate this item
(0 votes)

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31