KRAM sei husu FP Entrega atributu GAM-GAR Featured

By Domingos Gomes Abril 16, 2024 190
Ekipa Komisaun Regulador Arte Marisiais. Foto:Dok. Ekipa Komisaun Regulador Arte Marisiais. Foto:Dok.

DILI: Komisaun Regulador Arte Marisiais sei halo koordenasaun ho Ministériu sira iha governu konstitusional dasia atu sira-nia funsionariu ne’ebé envolve iha atividade grupu arte marsial no arte ritual hodi entrega atributu no halo mós juramentu.

Prezidente Komisaun Regulador Arte Marsiais (KRAM), Octavio da Conceição hatete, tuir Lei númeru 05/2017, artigu 24 no 25 hatete, entidade hotu-hotu ne'ebé hola knaar no responsabilidade ba estadu RDTL ninia kontinuasaun labele envolve iha atividade pratika Arte Marisiais no Arte Ritual.

Tan ne’e, Octavio dehan, KRAM sei kontinua koalia ho Ministériu sira ne’ebé ninia funsionariu sira envolve iha arte marsiais atu kolabora ho governu hodi entrega sira-nia atributu.

"Ami sei kontinua koalia ho Ministériu relevante sira hanesan Ministériu Edukasaun no membru funsionariu publiku sira envolve iha arte marisiais, iha mandatu nono Governu  konstitusional ne’e, husu mós atu sira kolabora ho Governu atu bele hatudu mos ezemplu di’ak hanesan loron ida ohin,” dehan Octavio iha ninia intervensaun iha serimonia entrega atributu Arte Marsial no Arte Ritual husi membru Unidade Polisia Maritima na’in 50, iha Kuartél UPM, Lesidere, Segunda (15/04).

Iha oportunidade ne’e, Octavio agradese mós ba membru husi instituisaun defeza no seguransa ne’ebé hatudu ona sira-nia protidaun hodi entrega atributu arte marsial no arte ritual no halo juramentu ba bandeira RDTL.

“Ha’u kontente tebes semana kotuk Komando (PNTL) fó konvite ida ba KRAM hodi informa katak ohin (horseik) dader 50 pesoas membru Unidade Polisia Maritima ne’ebé mak ho inisiativa rasik (entrega atributu grupu arte marsial no arte ritual),” dehan nia.

Iha fatin hanesan, Ministru Interior, Francisco da Costa Guterres hatete, membru UPM na’in 50 entre atributu arte marsial no arte ritual ba komandu PNTL no Governu atu servi de’it ba estadu TL.

"Serimonia ida ne'e hatudu katak ita-boot sira-nia domin no hanoin di’ak ba estadu ida ne'e hodi deklara imi-nia aan tomak atu servi de’it ba estadu ida ne'e no povu, atu bele dezenvolve nasaun ida ne'e ba oin," dehan nia.

Tuir nia, aktu husi membru UPM ne’e importante no sai ezemplu di’ak katak PNTL ne'e pertense de’it ba estadu.

Rate this item
(0 votes)

Independente Digital TV

Tuir ami iha Twitter

Kalendariu Notisia

« June 2024 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30