Kontratu ETO-Sacom Remata, Tinan Oin Loke Konkursu Foun Featured

By Artur da Luz Outubru 02, 2018 2581
Sr. Abilio Araujo ho Nilton Gusmao Sr. Abilio Araujo ho Nilton Gusmao

DILI: Governu sein loke konkursu foun ba fornesimentu kombustivel ba Eletrisidade Timor-Leste (EDTL) Sentrál Elétrika Hera no Betanu, tanba kompañia rua Esperansa Timor Ona (ETO) no Sacom, ne’ebé durante ne’e fornese mina kontratu servisu termina iha Marsu 2019.

Ministru Obras Públika (MOP), Salvador Eugénio Pires hateten, Tribunál Rekursu haruka ona karta rekomendasaun ba MOP, nune’e Governu sei deside atu loke tenderizasaun ba empreza nasionál sira atu konkorre prosesu tenderizasaun.

Tuir nia, mandatu Kompañia ETO sei termina iha Marsu 2019, maibé Governu sei estudu no konsulta ho autoridade seluk bainhira foti desizaun.

Ami halo hela servisu preparativus ba ida ne’e”, dehan Ministra Salvador, iha Palasiu Governu, foin lalais ne’e.

Governante ne’e mós rekoñese kooperasaun servisu di'ak ne’ebé kompañia ne’e hatudu, tanba durante tinan ida nia laran Estadu Timor-Leste hasoru krize polítika, ne’ebé afeta ba krize finanseiru maibé mantein fornese kombustivel ba EDTL.

Kontratu servisu ba fornesimentu entre Governu ho kompañia ETO no Sacom hahú ona dezde 2016 liubá. 

Rate this item
(0 votes)

Independente Digital TV