"Konstrusaun Halte ita halo ne'e atinje ona 96%, maibé hela 4% ne'e bá servisu kiik sira halo kabeer Halte de'it, ita sei finaliza iha tempu badak," dehan Jestór Kompañia Larisula Unipessoal Lda, Felezito de Sousa Araújo, bá Jornalista INDEPENDENTE liu husi via-telefone Domingu (10/08).

Nia esplika, halte nian ne'e Kompañia nia obra ka kompetensia halo de'it kona-ba funsionamentu ne'e diresaun Nasional Transporte Terrestre mak bele hatete, Kompañia simu orden hodi konstrui Halte ne'e de'it.

"Halte ne'e hamutuk iha sanulu (10) Orsamentu ita sura kasar ba Halte 10 ne'e ho montante rihun $96 ital, tanbá ida ne'e manán ho presu mais minimu liu, kada Halte ida ho presu $9.600, Halte ne'e ho medida 10x2",” nia haktuir.

Kona bá presu 100% nian ne'e husi parte Ministeriu Transporte no Komunikasaun (MTK) mak hatene liu nia presu loloos ne'e, tanbá Kompañia tuir konkursu ne'e kontratores sira halo bantingan harga manán ho Presu ida ne'ebé mak kiik liu montante rihun $96 ne'e.

"Ami mós kompriende kona-ba naran iha Halte ne'e, maibé ne'e lá'os Obra Kompañia nian, tanbá naran ne'ebé iha Halte ne'e, lá'os ami nian, maibé husi dezeñu to'o BoQ preparasaun husi husi Ministeriu Transporte ne'ebé só tekniku MTK nian bele fó esplikasaun klaru, ami só bele la'o tuir orden ne'ebé ami hetan ona, no ami Labele ko'alia arbiru bá iha parte funsionamentu sira ne'e, iha fulan ida ne'e nian laran Kompañia entrega ona Halte 10 ba Governu,"nia esklarese.

Entretantu, tuir akordu ho Governu ba projetu kontrusaun Halte ne'e ba fulan neen planu ezekuta servisu nian bá to'o atinjimentu 100%.

“Kestaun tarde tanbá iha problema balu ne'ebé maka ami hasoru iha terenu, ami labele esplika ida-idak, maibé ho problema sira ne'e mak halo servisu la'o tarde, maibé ami sei ezekuta tuir tempu ne'ebé iha, estensaun bá Projetu ne'e besik finaliza ona, tanbá konstrusaun ne'e ami tama ona iha 96% ona bá iha 4%,” nia realsa.

Jestor Kompañia ne'e hatete, ne’e estensaun ikus nian ona, tanbá ne'e Kompañia simu ona orden husi Ministeriu kompetenti atu fulan ida ne'e atinje ona 100%.

"Ami simu ona orientasaun husi Ministru Transporte no Komunikasaun tenki atinje 100% ami entrega bá Governu,"nia konklui.

Kada Halte ida Kompañia fo servisu traballadór na'in ualu (8), maibé iha pemborong sira ne'e Kompañia rekruta de'it traballador na'in neen ka na'in hitu de'it.