Komunidade Uma-ka’in 70 Resin Tau Fiar Xanana Finaliza Fronteira Terestre Featured

By Ivonia Varela Fevereiru 03, 2024 910
Primeiru Ministru, Kay-Rala Xanana Gusmão hala'o dialogo ho Populasaun uma-kain 70-resin no lia-na’in iha Naktuka, Suku-Beneufe, sub-rejiaun Nitibe, Rejiaun Administrativa Espesial Oekusi Ambeno (RAEOA). Foto:Media GPM. Primeiru Ministru, Kay-Rala Xanana Gusmão hala'o dialogo ho Populasaun uma-kain 70-resin no lia-na’in iha Naktuka, Suku-Beneufe, sub-rejiaun Nitibe, Rejiaun Administrativa Espesial Oekusi Ambeno (RAEOA). Foto:Media GPM.

DILI: Populasaun uma-kain 70-resin no lia-na’in iha Naktuka, Suku-Beneufe, sub-rejiaun Nitibe, Rejiaun Administrativa Espesial Oekusi Ambeno (RAEOA) tau fiar ba Primeiru Ministru, Kay-Rala Xanana Gusmão hodi kontinua luta ba finalizasaun fronteira terrestre iha Naktuka.

Komunidade Naktuka, Domingos Falo nu’udar povu agrikultór Naktuka agradese tanba rona esplikasaun PM Xanana ho ekipa, foin sira intende didi’ak.
“Ami agradese tebes ho esplikasaun ne’e, tanba ha’u-nia hanoin maki da ne’e mak foin loos, tanba durante ne’e ami konfunde ho pontu sira ne’e maibé ohin avó Primeiru-Ministru no maun robretu esplika ona katak ne’e la’os estaka, maibé ne’e pontu koordenasaun entaun ami konkorda, importante natar sira ne’e ita nia, tanba sorin ne’ebá ami hatene hela, Domingos agradese.
Iha fatin hanesan, lia-na’in Naktuka, Naef Amuf, kontente tanba sinál ne’ebé tau iha natar sira iha Naktuka la’ós estaka ka pontu finál.Tanba informasaun ne’ebé organizasaun Naun Governmental balun esplika ba sira la loos no halo sira konfuzaun.
“Agora ami kontenti, tanba mai bele servisu ami nia natar sira tanba agora tempu atu halai natar, durante ne’e ami triste tanba pontu sira tau ona ne’e iha loos natar laran, maibé foin komprende katak la’os markasaun,” nia agradese.
Iha parte seluk, Angelina Tolan husu atu bele rezolve disputa liña fronteira entre Timor-Leste ho Indonézia, liuliu Oépoli ho Naktuka.
Iha fatin hanesan, Primeiru Ministru hatete, se populasaun konkorda ona, bainhira Prezidente Jokowi halo vizita mai Timor-Leste iha fulan setembru agora bele asina akordu ne’e iha Oé-Cusse.
“Tanba imi konkorda ona, ha’u sei buka tok ko’alia hp Prezidente Jokowi ba vizita TL ami ko’alia , ha’u sei dehan it aba asina akordu iha Oe-kusse np Naktuka no Oben nia ema, sei ba, tanba ida ne’e responde bai mi nia hatene ini nia hakarak mos,” PM hakotu.

Rate this item
(0 votes)

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30