Sexta, 17 Setembru 2021 | Login
Dollar Amerika Dollar Amerika

Komunidade La Ezijé Subsidiu Husi Governu Featured

DÍLI: Komunidade sira sei la ezijé ba governu atu fó subsidiu ba sira tanba la’os husi sira mak lor-loron povu moris maibé liu husi komunidade nia esforsu rasik hodi sustenta ba família.

Tuir komunidade Fransisca Freitas hanesan negosiante ambulante iha ponte Comoro okos hatete, iha situasaun emerjénsia ne’e Governu bandu la sai, maibé desizaun ne’e ba komunidade sira ne’ebé depende de’it ba iha negósiu sei susar tanba laiha osan atu sosa netik nesesidade basiku hodi sustenta familias uma laran nian.

“Iha estadu emerjénsia ne’e mak ami la sai entaun ami atu han los saida, tanba mina, masako sira ne’e osan iha mak foin sosa, hanesan ne’e laiha ema ida atu ajuda netik ita, no boot sira mós la tau matan ba ita, no sira mak ko’alia hela de’it ne’e mós hanesan de’it”,dehan nia iha Comoro tersa feira 05/05/20.

Nia haktuir, lor-loron fa’an netik supermi, manu-tolun, kafé no masin midar, no kada loron hetan osan dolar rua ho ida ne’e bele  sustenta ba nesesidade iha uma laran, karik la sai entaun sei la han tanba sasan hotu-hotu uja osan.

“Ami sei forsa ami tenke la’o hodi buka netik osan, no labele tané demais liman ba boot sira, estadu iha osan fó ha’u simu, laiha ita labele obriga, tanba ita nia  forsa sei iha atu buka rasik”,nia haktuir.

Iha fatin hanesanArmindo Monteiro relata, rona hela de’it osan ne’ebé atu fó ba povu sira, ida ne’e estadu sira hanoin karik bele fahe ba komunidade sira, sei la ezijé, tanba husi povu mak estadu iha.

“Tanba ne’e husu ba Governu sira tenke hatene katak husi povu mak imi boot sira iha, tanba ne’e hareé didiak ami povu sira, lor-loron mak governu sira promete hela de’it no ami rona de’it isu konaba osan hanesan ne’e hanesan ne’ebá maibé la iha buat ida, maibe sira tau osan ba sosa kareta  iha, maibé povu kontinua terus”, dehan nia.

Read 3660 times
Rate this item
(0 votes)