Tuir observasaun neebe mak jornalista hare iha terenu, estrada publiku ligasaun husi Postu Fatuberliu Alas, to’o Betanu Munispiu Manufahi, kondisaun grave liu, liu-liu iha tempu udan, tahu makas no karreta ho motor labele movimentu.

Kondutor Mikrolet Mãe da Graça, Florentino dos Santos hateten, estrada ida ne’e iha tempu udan karreta susar halo movimentu ba mai, tanba kondisaun estrada ladiak.

“Ema sira neebe mak uza karreta vaskolante sira ne’e sei diak, maibe ami sira neebe mak uza karreta tula pasajeirus hanesan mikrolete, no angguna ne’e susar tebes, tanba estrada ne’e kuak mesak naruk, kuandu udan boot bee no tahu nakonu,” Florentino hateten ba Jornalista Independente iha dalan Wedauberek, Sesta (31/12).

Nia dehan, preokupasaun boot ida tan maka ponte ne’e, iha tinan kotuk kompaña balun mai ke’e kuak hela estrada sira ne’e atu halo ponte, maibé to’o ohin loron saida mak akontese, mota boot estrada laran sira ne’e nakonu ho mota deit, mota sobu tan estrada sira neebe sei diak.

Tanba ne’e hanesan komunidade ka kondutor ida husu nafatin ba governu atu tau atensaun ba iha dalan no ponte kiik sira ne’e.

Tanba estrada ida ne’e iha tempo indonezia nian ne’e ladun aat hanesan ne’e, maibe mai iha tinan 2009 to’o mai ne’e estrada ida ne’e mak sai preokupasaun boot.

Sorin seluk Administrador Postu administrativu Alas Leopoldo Barreto hateten, iha tinan 2021 nee laiha planu atu hadia estrada, maibe iha tinan 2022 ne’e ba oin sei hadia, problema ba estrada ida ne’e, laos deit ba komunidade ka sira neebe mak buka moris maibe ba entidade