Kompetisaun Xadrez Standard, ekipa femenino ho mascolino Portugál sai kampiaun hodi rekolla osan-mean iha jogu desportiva CPLP.
Iha kompetisaun ne’e hala’o iha formatu round-robin ho partisipasaun atletas na’in-6 husi nasaun Portugal, Angola, Cabu-Verde, Timor-Leste, Mozambique no São Tomé e Príncipe.
Iha sistema jogu, ho tempu 60 minutos + 30 segundu kada movimentu, ho rating kalkuladu ba sistema internasionál.
Husi rezultadu ne’e, Atleta Matviy Faryma husi Portugal, ho rating 2230, ho pontu 5.0, enkuantu Celio Tchilulo husi (Angola) konsolida pozisaun sekundu ho rating 1750 ho pontu 4.0.
Enkuantu, Celton Ramos, husi nasaun Cabo-verde okupa iha fatin terseiru lugar. ho pontu 2.5. Maski nia rating la iha, maibé nia mostra esforsu boot hodi hetan fatin tolu iha klasifikasaun final.
Purtantu, Atleta Timor-Leste, Rivanho Viegas hamate ba 4ª ho rating 1655, no pontu 2.0. Maski la’os medalha, maibé prestasaun ne’e mostra progressu no potensial ba atleta foun Timor oan sira iha futuru.
Entretantu, kategoria feto, Sofia Valente husi Portugal sai hanesan kampiaun absolutu, ne'ebe hetan 5 pontu maksimum husi ronda 5, nia domina to'o remata, ho TB1 = 0, TB2 = 5, TB3 = 2, total TB5 = 10.5.
Domínasaun total husi WCM, Sofia Valente iha tabuleiru Xadrez hatudu la’os de’it preparasaun téniku ne’ebé boot, maibé mos konsisténsia mentál, lideransa fria no kontrolu estrategia.
Tuir observasaun husi analista lokal, Sofia loke jogu kada ronda ho konfiansa no prepara cada movimentu ho klaretade. Dominasaun nia to'o hetan pontu maksimum 5/5 hodi hatudu klaru nia nivel kompetitivu internasionál.
Tama iha Segundo lugar, Daniela Santana husi Angola ne’ebé okupa iha fatin segundu ho pontu 4, no Akiane Moreno husi Cabo-Verde hetan fatin tolu ho pontu 3.
Daniela Santana husi Angola mos hamosu prestasaun di'ak, kontinua aumenta foti imajen xadrez femenino iha reinu Afrikanu. Ho nia rezultadu 4 pontu hatudu ne’ebé jogadór ida, iha kapasidade atu bele konkura ba titulo iha futuru.
WCM Akiane Moreno husi Cabo-Verde mos kontinua prova-aan hanesan jogadora esperiensia, no fo inspirasaun ba atléta feto sira iha CPLP nian.
Partisipasaun jogadora foun hanesan Lizete De Sousa husi Timor-Leste hatudu mos motivasaun no ekspansaun jestaun xadrez iha rejiaun ida ne’e. Husi Klasifikasaun Final (5 Ronda) iha rank naran nasaun rating pontu.
Iha sistema Tie-Break inklui iha TB1 nian Direct Encounter no Tama iha TB2 & TB4, Sonneborn Berger Variable, iha mos TB3: Koya System, ikus maka TB5: Number of Wins.
Turnamentu ne’e hala’o iha tempu 60 minutu + 30 segundu kada movimentu. Organizador boot Zeferino Viegas husi Timor-Leste, no Arbitru Xefe Francisco Carapinha husi Angola.
Iha tempu ne'ebé esportes sira la'o ho dinamika global, feto sira iha xadrez kontinua loke dalan ba esperansa, lideransa no inkluzaun ho Sofia Valente sei presiza defend titulu ne'e iha futuru, maibé nia presiza la'o ho laran boot hanesan inspirasaun ba gerasaun foun.
Atleta Xadres Portugal, Matviy Faryma, sente kontente no hsnesan momentu ida ne'e memoravel ba nia hodi manan iha kompetisaun ne’e.
“Hau senti la bele esplika, iha momentu ida ne’e mak sai memorável ba hau, manan iha kompetisaun internasionál hanesan jogus CPLP iha Dili, hanesan iha Timor-Leste, mak onra no priviléjiu, hau fó esforsu tomak iha kada ronda, no sente orgullu mak bandeira Portugal sei dada aas iha podium leten,” Dehan nia, ba Jornalista sira, iha CCD, Sesta ( 25/07).
Nia mós hato'o, obrigadu barak ba Timor-Leste ne'ebé kria ambiente bo'ot no animasaun ne’ebé masimu.
