KM Nomeia Minístra Dulce reprezenta Governu sai Membru Konsellu Jerál UNTL Featured

By Ivonia Varela Juñu 19, 2024 946
Reuniaun Konsellu Ministru iha loron 19 fulan-Junu tinan 2024. Foto;Media Gabinete MSSI. Reuniaun Konsellu Ministru iha loron 19 fulan-Junu tinan 2024. Foto;Media Gabinete MSSI.

DILI: Governu liuhusi Reuniaun Konsellu Ministru (KM), aprova projetu rezolusaun hodi deside Prezidente Konsellu Jerál, membru Konsellu Jerál, personalidade méritu no rekoñesidu iha setór privadu ba Universidade Nasional Timor Lorosa’e (UNTL) nian.


Tuir Komunikandu ne’ebé Online INDEPEDENTE asesu katak, projetu kona-ba nomeasaun membru Konsellu Jerál UNTL nian ne’e, aprezenta husi Ministru Ensinu superior Siensia no Kultura (MESSK), José Honório da Costa Pereira Jerónimo.
“Ho Señór Enjeñeiru João Baptista Fernandes Alves nia mate, ne’ebé iha tempu ne’ebá hanesan Prezidente Konsellu Jerál Universidade Nasionál Timor Lorosa’e nian, nomeadu hanesan membru reprezentante setór privadu bazeia ba Rezolusaun Governu n. 36/2022, loron 28 fulan-dezembru, tanba ne’e presiza nomeia reprezentante foun setór privadu no Prezidente Konsellu Jerál foun ida,” dehan Komunikandu ne’ebé Online INDEPEDENTE Sita, Kuarta (19/06).
Nune’e kompetensia Konsellu Ministru deside atuál Ministra Edukasaun (ME), Dulce de Jesus Soares ba Membru Konsellu Jerál UNTL ne’ebé reprezenta Governu, no Alberto Carvalho Araújo hanesan membru Konsellu Jerál UNTL, nu’udar personalidade méritu no rekoñesidu iha setór privadu no Padre Acácio Domingos de Castro, SDB, hanesan Prezidente Konsellu Jerál UNTL.
No, Governu deside, tuir artigu da-19 husi Dekretu-Lei n. 16/2010, loron 20 fulan-outubru.

Rate this item
(1 Vote)
Last modified on Kinta, 20 Juñu 2024 09:22

Independente Digital TV