KM deside fulan-Abril realiza Asembleia Aldeia no Konsellu Suku

Abril 27, 2024

Nasional

KM deside fulan-Abril realiza Asembleia Aldeia no Konsellu Suku ^Featured

By Ivonia Varela Marsu 20, 2024 1810

Reuniaun Konsellu Ministru, diriji husi Primeiru Ministru Kay Rala Xanana Gusmão, iha Palasiu Governu, Dili. Foto:Dok.

DILI: Governu liu husi reuniaun Konsellu Ministru (KM) deside ona data ba eleisaun Xefe Aldeia no Konsellu Suku ne'ebé realiza iha loron 27 to'o 28 fulan Abril 2024.

Projetu Dekretu lei ne'e, aprezenta husi Ministru Administrasaun Estatal (MAE, Tomás do Rosário Cabral, ne'ebé estabelese data realizasaun Asembleia Aldeia no Konsellu Suku iha ámbitu prosedimentu eleisaun lider komunitáriu sira.

Tuir komunikandu ne'ebé Online INDEPENDENTE asesu katak, tuir kalendariu ne'ebé aprova ona, prosesu konstituisaun meza Eleitorál suku no kandidatura ba eleisaun suku no ninia kontesiozu, SEI hala'o iha loron 12 fulan Abril 2024.

"Periodu informasaun públika no Edukasaun eleitór kona-ba prosesu eleisaun lideransa komunitáriu nian sei hala'o to'o loron 24 Abril 2024," dehan Komunikandu ne'ebé Online INDEPENDENTE sita.

Enkuantu, votasaun ba eleisaun lia na'in no reprezentante Juventude ba Konsellu Suku sei hala'o to'o loron ualo (8) fulan Maiu to'o loron 24 fulan Maiu 2024.

Rate this item

(0 votes)