Tuir komunikadu ne’ebé Mídia Online INDEPENDENTE asesu katak objetivu atu konsolida modernizasaun no hametin efisiénsia operasionál jestaun migrasaun nian iha Timor-Leste.

Nune’e, alterasaun dahuluk ida-ne'e halo ajustamentu estruturál sira-ne'ebé importante liu, ho alvu ba organizasaun servisus migrasaun nian, ho foku ba área prinsipál tolu: sentraliza koordenasaun servisus apoiu nian, hametin kapasidade jurídika no institusionál  no mós halakon redundánsias organizasionais.

Iha alterasaun ne’e introdús Koordenadór-Jerál ida ba Servisus Apoiu, ne’ebé responsavel ba koordenasaun integrada hosi gabinetes apoiu nian, sentraliza no espesializa estrutura jurídika hodi transforma sai Diresaun Nasionál Servisus Jurídikus, Azilu no Refujiadus, no mós halakon delegasaun territoriál sira.

Nune’e, konsentra atividade operasionál tomak iha postu fronteira sira. Alterasaun ida-ne’e nu’udar pasu ida tan iha modernizasaun kontínua setór fronteira nian, hodi konsolida sistema migrasaun ida ne’ebé efisiente, lais no espesializadu liu.

“Implementasaun estrutura organizasaun foun ida-ne’e sei permite Servisu Migrasaun atu hatán ho efetivu liután ba dezafiu kontemporáneu mobilidade internasionál nian, hodi mantein padraun profisionalizmu ne’ebé aas no kumpre padraun internasionál jestaun fronteira nian,” Sita Komunikadu.