KM Aloka Rihun $61.5 Alojamentu no Mobilidade Vizita Papa Francisco Featured

By Mariano Mendonca Maiu 16, 2024 211
Reuniaun Konsellu Ministru. Foto:Dok. Reuniaun Konsellu Ministru. Foto:Dok.

DILI: Hafoin reuniaun Konsellu Ministru (KM) aprova projetu rezolusaun governu hodi deside aloka orsamentu $61.500 kona-ba alojamentu no mobilidade ba vizita Papa Francisco.

Atribui donativu ne'e ba Nunsiatura Apostólika iha Timor-Leste hodi halo instalasaun ba elevadór ida iha edifísiu Nunsiatura nian, hodi garante alojamentu no mobilidade ba Sua Santidade Papa Francisco durante ninia vizita mai Timor-Leste iha fulan-Setembru.

"Konsellu Ministrus aprova projetu Rezolusaun Governu hodi atribui donativu ida ho valór US$ 61.500 ba Nunsiatura Apostólika iha Timor-Leste hodi halo instalasaun ba elevadór ida iha edifísiu Nunsiatura nian, nune’e hodi garante kondisaun adekuada kona-ba alojamentu no mobilidade ba Sua Santidade Papa Francisco durante ninia vizita mai Timor-Leste iha fulan Setembru," dehan komunikadu ne'ebé diáriu ne’e asesu, hiorisehik.

Molok ne'e, fulan kotuk ba 28 Fevereiru 2024, Konsellu Ministrus delibera atu autoriza despeza to’o montante dolar amerikanu millaun $12 husi Fundu Kontinjénsia ba Komisaun Altu Nivel Institusionál ba vizita Sua Santidade Papa Francisco, hodi organiza atividade preparasaun ba vizita refere.

Antes ne'e, Governu nomea ona Ministru Prezidénsia Konsellu Ministru, Agio Pereira, nu'udar Koordenadór Jerál ba vizita Santo Papa, enkuantu Ministru Administrasaun Estatál, Tomás do Rosário Cabral nu'udar Vise Koordenadór.

Governu simu ona vizita delegasaun hosi Vatikanu hodi koordena didi'ak kondisaun nesesáriu sira. Aleinde ne'e, Koordenadór Jerál hamutuk ho ekipa daudaun hale preparasaun hamutuk ho delegasaun vatikanu iha hodi hareee fatin hotu-hotu neʼebé Santu Padre sei vizita no realiza eventu.

Rate this item
(0 votes)
Last modified on Sexta, 17 Maiu 2024 19:37

Independente Digital TV

Tuir ami iha Twitter

Kalendariu Notisia

« June 2024 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30