Husi númeru ne’e Munisipiu Dili kontinua sai númeru dahuluk ho kazu 3.634. Baukau 331, Manufahi kazu 213, Manatutu ho kazu 176,  Lautem ho kazu 164, Likisa 155, Kovalima  149,   Ermera ho kazu 118, Aileu 85,  Vikeke 79, Bobonaru  kazu 58, Ainaru 45, no RAEOA ho kazu 6.

“Husi dadus ne’e hatudu, kazu dengue kontinua sa’e no kazu mate hamutuk 56,” jornalista sita komunikadu ho data 18/06.

Enkuantu, munisipiu sanulu resin-ida ne’ebé konsege rezista kazu mate maka, Dili ho kazu 33, Kovalima kazu 7, Ermera kazu 4, Aileu kazu 2, Vikeke kazu 2, Bobonaru 2, Likisa 1, Manufahi 1, Manatutu 1 inklui Oekuse 1.

Nune’e, tuir distribuisaun kazu dengue ne’ebé sa’e makaas  iha Dili, iha loron 18 Juñu ne’e Postu administarasaun Dom Alexu nafatin númeru boot ho kazu 2.183, hafoin postu administrativu Kristu Rei ho kazu 537, Na’in Feto 441, Vera-Kruz 399.

 Ne’e hatudu katak, kada loron kazu espalla nafatin ba iha postu administrativu sira seluk,” subliña.

Ho ida ne’e, Ministériu Saúde kontinua informa ba públiku atu aprezenta aan iha fasilidade saúde sira neebé besik bainhria sente isin manas ka laran sae, liman ain sikun moras, atu bele hetan atendimentu husi médiku sira. 

Husu mós ba autoridade munispiu inklui lokais, atu bele orienta komunidade halao limpeza jeral iha ida-idak nia suku inklui aldei tomak, fase tanke, bidon ka balde semana ida dala ida, limpeza roda aat sira, bazu aifunan atu susuk labele natolun.