×

Atenção

JUser: :_load: Não foi possível carregar usuário com ID: 425

JUser: :_load: Não foi possível carregar usuário com ID: 430

KALOHAN Nia-Oan Na’in Tolu Hetan Bolsu Estudu Featured

By Marsu 08, 2017 5445
KALOHAN hala'o dialogu aberta ho vendedor sira iha merkadu Taibesi KALOHAN hala'o dialogu aberta ho vendedor sira iha merkadu Taibesi

DILI: Kandidatura Prezidente Repúblika (PR) António da Conceição ‘KALOHAN’ na’in tolu hetan hotu bolsu estudu iha estranjeiru. Na’in rua hetan bolsa ba Portugál no ida iha Singapura.

Ne’e duni, sosiedade deskonfia mosu familiarizmu prosesu rekrutamentu ba bolsu estudu, tanba ministru edukasaun nia oan na’in tolu mak hetan bolsa.

Akuzasaun ne’e, kandidatu Prezidente Repúblika ne’e rejeita nia oan na’in tolu ne’e hetan bolsa estudu husi nia ne’ebé mós asume kargu nu’udar Ministru Edukasaun.

“Ha'u nia oan ida eskola iha Filipina no na’in rua iha Portugál, loloos ne’e la’ós ha’u mak fó bolsu estudu,” dehan António ‘Kalohan’, iha Otel Vila-Verde, Segunda (6/3).

Ninia oan sira ne’e hetan hetan bolsu estudu antes nia asumi Ministru Edukasaun.

“Ha'u nia-ona sira simu bolsu estudu ne’e molok ha'u mai tuur iha Ministru Edukasaun, no ha'u nia ona ne’e mós eskola iha Universidade Nasionál Timor-Leste (UNTL) no foti fakuldade direitu, tanba ne’e nia hetan bolsu estudu husi Governu Timor-Leste rasik mak fó, la'ós husi ha'u,” dehan nia.

Nune’e, ninia-oan ida ho naran Vidal hetan bolsu estudu la’ós husi Governu, maibé Governu Portugál liu husi Instituto Camões maka fó bolsu estudu.

Nia esplika, ninia-oan hetan bolsu estudu ne’e nia osan ladún boot kada fulan simu (Euro) €400 hodi sustenta sira nia moris durante estudu iha Portugál. 

Rate this item
(0 votes)

Independente Digital TV