Reprezentante JICA iha Timor-Leste, Ko Goto hatete, JICA iha komitmentu hodi apoiu servisu iha área bemos ba BTL E.P. Parte rua ne’e asina ona akordu Kooperasaun Tekniku iha rua nian.
“Objetivu husi kooperasaun ne’e atu mellora Jestaun Distribuisaun Bemos, Jestaun Rekursu Umanu, Jestaun Konsumedor, Manutensaun no operasaun ba ekipamentu sira. Aliende ida ne’e iha akordu preimeiru, ami sei fornese treinamentu intensivu iha Japaun ba Tekniku BTL E.P. iha Timor-Leste,” dehan nia iha edifisiu BTL, Kaikoli, tersa horseik (17/08).
Nia haktuir, akordu primeiru ne’ebé ansina iha loron 14 Jullu 2021, foku liu kona ba kooperasaun ba Projetu Melloramentu Jestaun Abastesimentu Bemos iha BTL E.P. Liu husi projetu ne’e JICA sei foka komponenti importante tolu (3) mak hanesan, destaka JICA nia peritu sira hodi servisu hamutuk ho BTL E.P.
Nia informa, atu mellora Jestaun Distrbusaun Bemos, Jestaun Rekursu Umanu, Jestaun Konsumedor, Manutensaun no operasaun ba ekipamentu sira ho ida ne’e iha akordu preimeiru ne’e JICA sei fornese treinamentu intensivu iha Japaun ba Tekniku BTL E.P.
Entretantu, akordu segundu ne’e selebra hodi servisu hamutuk iha projetu dezenvolvimentu kapasidade ba abastesimentu bemos seguru no konsiensia ba fasel liman iha pandemia Covid-19, nune’e ho objetivu atu haforsa kapasidade BTL E.P.
Iha abastesimentu bemos ijieniku no seguru, liu husi apoiu aprovizionamentu hodi fornese ekipamentu sira hanesan Chlorine, Coagulant, kanu no bomba bee ba BTL E.P no akordu ida ne’e sei implementa durante tinan ida no fulan hitu nia laran.
Iha fatin hanesan, Prezidente Konsellu Administrativu Komisaun Ezekutivu, Carlos Peloi dos Reis afirma, selebrasaun akordu entre BTL ho JICA ne’e ho objetivu atu bele fornese bee ho kualidade di’ak ba komunidade sira, liu-liu iha situasaun pandemia Covid-19 nia laran.
“JICA prontu atu ajuda ita buat lubuk ida, inklui aimoruk sira hodi asegura ita nia bee ne’ebé mak hetan estragus husi inundasaun ne’ebé maka akontese iha loron 4 Abril 2021,” tenik nia.
Nia haktuir, projetu ne’e nia valor kuaze $730.0000 mil ital, tanba ne’e mak oinsá sira uza sasan ida ne’e ho kualidade di’ak, tanba ne’e JICA sempre ajuda BTL hodi halo manutensaun ba sistema bee iha kapital Dili.
