Inisiu Fevereiru Dengue Hamate Labarik Na’in Rua

Abril 29, 2024

Nasional

Inisiu Fevereiru Dengue Hamate Labarik Na’in Rua ^Featured

By Saturnina da Costa Fevereiru 03, 2022 274

susuk neebe lori dengue ba labarik sira. Foto:Dok.

DILI: Tuir dadus husi Ministeriu Saúde liu husi Diresaun Nasional Saúde Públiku, Departamentu Vijilansia Epidemolojia relata, iha inisiu fulan-Fevereiru, hahú husi loron 1 to’o 2, dengue hamate ona labarik na’in rua (2).

“Labarik na’in rua neebé mate ho dengue, mai husi Kapital Dili,”dehan komunikadu neebé Online INDEPENDENTE asesu, kinta nee.

Ho nunee, tuir dadus, hahú iha loron 1 fulan-Janeiru to’o 2 Fevereiru 2022, total kazu dengue hamutuk 1.407. husi númeru nee na’in 22 mak lakon ona vida.

Husi númeru kazu neebé rejista, iha Kapital Dili nafatin rezista aas ho númeru 925.

Aleinde, kazu nee rezista mós Manatuto ho kazu 92, Ermera ho kazu 77, Baukau ho kazu 68, Manufahi kazu 58, Kovalima kazu 50, Vikeke kazu 21, Aileu 20, Ainaro 14 no RAEOA iha kazu 3.

Entretantu, ba kazu mate, iha Kapital Dili ho kazu 13, Ermera ho kazu 4, Ainaro ho kazu ida, Bobonaro ho kazu ida, Kovalima ho kazu rua no Vikeke ho kazu ida.

Rate this item

(0 votes)