Governu sei Prepara Dekretu Lei Reforma Militár Idade Avansadu Featured

By Domingos Gomes Fevereiru 05, 2024 709
Membru F-FDTL. Foto:Media Gabinete MD. Membru F-FDTL. Foto:Media Gabinete MD.

DILI: Governu liuhusi Ministeriu Defeza (MD) sei prepara dekretu lei ida atu reforsa estatutu militár molok reforma membru ativu forsa armada ne'ebé idade avansadu.

Ministru Defeza (MD), Donanciano Gomes "Pedro Klamar Fuik" hateten, lei kona-ba estatutu militár define klaru ona, membru militár forsa armada sira hotu kuandu atinje ona idade 60 tenke reforma ba vida sivil.

"Ita iha ona estatutu organika militár, agora sé mak atu reforma ne'e presiza iha dekretu lei ho desizaun balun tan para bele, reforsa pedidu husi XEMJFA nian hateten militár ida atinje ona idade 60 bele reforma ona," dehan nia, iha Kuartél Jenerál Fatuhada, Sesta (2/2).

Nia informa, maski estatutu reforma militár iha ona, maibé forsa armada balun sei dezempena halo funsaun administrativa operasional iha estrutura komandu F-FDTL iha nivel superior no operasional ho tátiku sira nafatin iha kbiit atu retein sira bele kontinua halo misaun hanesan militár, tanba ne'e presiza kuadru juridiku ida Governu sei prepara para bele halo enkuadramentu  ida diak, molok reforma militár ba vida sivil.

"Iha tinan 2023, ita haree husi proposta ne'ebé mosu, total militár hamutuk 78 mak atu pasa ba rezerva atu tama ba reforma, maibé ha’u la dekor numeru lolos, maibé efetivu militár hamutuk 40 ital hanesan sira balun idade 60 ba leten ona bele reforma, maibé sira sei ativu iha vida militár, tanba nesesidade vida instituisaun F-FDTL maka retein atu matein sira atu servisu," informa nia.

Nia afirma, Governu presiza haree didiak no rona XEMJFA nia proposta atu  hateten militáres ne'ebé atinje ona idade reforma atu enkuadra sira ba hamutuk ho sosidade, Governu liu husi ministeriu Defeza tenki prepara kondisaun ba sira.

"Ida  ne'e ita husu fali iha vida luxu ruma iha liur atu fo ita nia militár sakrifikadu sira  servi instutitisaun F-FDTL ne'e, maibé ita haree militár sira ne'ebé atu reforma agora sira barak  hola parte iha estrutura FALINTIL no sira iha lezislasaun ida propoiu ba sira Veteranus bele kobre ona sira, maibé sira mos iha tempu ne'ebé kontribui ba Transformasaun Forsa armada. Husi ida ne'e ita haree  sira nia  reforma ne'e ita enkuadra sira ba tama iha Institutu Nasional Seguransa Sosial (INSS), ne'ebé eziste ba timoroan hotu la’ós ba F-FDTL mesak," afirma nia.

Alende ne'e iha kondisaun seluk tan Governu, oinsa mak  bele haree sira nia enkudramentu bainhira sira reforma ba vida sivil hamutuk ho sosiadade sira labele sente marjinalizadu no abandonadu, oinsa mak Governu mantein uza nafatin sira iha ligasaun ida metin nafatin ho instituisaun F-FDTL ne'ebé sira rasik sakrifisiu barak hodi dedika sira nia vida tomak iha F-FDTL eziste to'o ohin loron.

"Agora Governu sei halo esforsu hotu para iha estrutura ne'ebé  iha atu sira matein sira nia ligasaun ho instituisaun F-FDTL ne'ebé sira rasik kria ida ne'e importante, agora ita boot sira koloka kestaun, dezemvolvimentu estrututa juridika ne’ebé ita presiza hadia balun mak hanesan ita nia  estatutu forsa armada ne’ebé  atu halo tranzisaun ida diak, forsa armada sira ne’ebé tama siklu reforma tenki prepara aan  ba reforma, depois ita mos prepara fila fali estrutura para simu forsa armada ran foun,” dehan nia.

Nia afirma, siklui ida ne’e normal iha organizaun ida, bainhira reforma sira ne’ebé sei iha vida ativa iha forsa armada sira hotu presiza kondisaun atu mantein sira nia servisu, hanesan mos sira ne’ebé ba reforma tenki iha kondisaun minimu atu bele garante sira nia kontinuasaun moris iha sosiadade.

“Ita bele hare prioridade ida mak militár sira nia bens estar ne’e komesa husi kedas sira nia bensimentu hahan, moris hanesan familia hela fatin sira nia oan ho nesesidade ema normal ida, entaun kondisaun sira hotu ita tenki prepara, agora ita prepara oinsa, hanesan XEMJFA koalia militár sira tenki presiza iha fatin ida apropriadu, tanba dezemvolvimentu transformasaun FALINTIL ba F-FDTL halo tinan 23 ne’e, presidente repúblikka rasik hateten  militár  sira presiza dezemvolve sira nia baze,” hakotu nia.

Baze militár ida ne’ebé adekuadu  hamutuk ho populasaun para sira bele kontribui mos  ba dezemvolvomentu ne’ebé populasaun sira presiza iha baze atu defende ita nia soberania nasional.

Rate this item
(0 votes)
Last modified on Tersa, 06 Fevereiru 2024 10:35

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31