Governu Sei Kria Lei Proteje Direitu Traballadór Domestika Featured

By Ivonia Varela Setembru 12, 2023 861
Governu liu husi Sektretária Estadu Igualdade hamutuk ho Embaixadóra Australia ba Asuntu Igualdade Jéneru no mós parseiru sosiedade sivil sira, konvoka reuniau hodi deskuti kona ba asuntu traballadór domestika, iha Suai Room, Timor-Plaza, (11/09/23). Foto:INDEPENDENTE/Ivonia. Governu liu husi Sektretária Estadu Igualdade hamutuk ho Embaixadóra Australia ba Asuntu Igualdade Jéneru no mós parseiru sosiedade sivil sira, konvoka reuniau hodi deskuti kona ba asuntu traballadór domestika, iha Suai Room, Timor-Plaza, (11/09/23). Foto:INDEPENDENTE/Ivonia.

DILI: Governu liu husi Sektretária Estadu Igualdade hamutuk ho Embaixadóra Australia ba Asuntu Igualdade Jéneru no mós parseiru sosiedade sivil sira, konvoka reuniau hodi deskuti kona ba asuntu traballadór domestika.

Tanba, traballadór doméstika nafatin hasoru diskriminasaun oioin, nune’e Governu ho parseiru sira sei kria lei ida hodi proteje direitu traballadór doméstika sira hotu iha TL.

Sekretária Estadu Igualdade, Elvina Sousa Carvalho, hatete, traballadór doméstika sira dadaun ne’e la iha lei ka regulamentu espesial ida hodi proteje sira.

Tan ne’e mak, diskusaun ne’e foka liu ba xave dezafiu sira ne’ebé traballadór doméstika sira hasoru iha nasaun no rejiaun ne’e nia laran, no sei fornese proposta reformasaun lejislativu ne’ebé dadaun ne’e lidera husi Sekretariu Estadu Formasaun Profisional no Emprego (SEFOPE).

“Até agora, sira seidauk iha direitu ba salariu minimu, oras servisu ne’ebé regular no direitu sira seluk hanesan atu foti loron feriadu anual no lisensa mediku,” dehan nia iha Suai Room Timor Plaza, Segunda (11/09).

SEI dehan, atu hatan ba prekupasaun traballadór doméstika sira nia, SEI servisu hamutuk ho SEFOPE hodi fó advokasia no kooperasaun atu kria regulasaun favoravel ida ne’ebé sei proteje traballadór doméstika sira ne’ebé maioria feto deit.

“Hadia lejislazasaun traballadór ba feto sira hanesan prioridade husi IX Governu Konstituisional nian, ne’ebé atribui mai SEI atu koordena no kolabora ho instituisaun governantes relevante sira atu aprova lei ne’ebé sei garante kondisaun servisu ba traballadór sira ho diak liutan iha tinan lima tuir mai,” Governante esplika.

Governante afirma, proposta lei traballadór doméstika nian governu anterior hatama ona ba iha Parlamentu Nasional, maibé tanba agora iha lezislatura foun, entaun ida ne’e prezisa evaluasaun no aprezenta fila-fali ba governu atu hetan aprovasaun.

Tuir dadus husi SEI, reprezenta traballadór 2,3% husi empregu globalmente ida husi kada traballadór 25, iha Azía pasifiku mak empregadór boot liu iha traballadór doméstika. Rejiaun ne’e hanesan fatin ba traballadór millaun 38, metade husi traballadór doméstika iha mundu tomak.

Importante liu traballadór feto hamutuk 80.5% iha setor ne’e. Besik 62% mak eskuidu husi lei traballadór nian no 94% la iha limitasaun legal ba oras no loron servisu nian.

Iha fatin hanesan, Embaixadór Australia ba Igualdade Jéneru, Ateph Campbell hatete, hanesan defensora prinsipal Australia nian ba iguladade jéneru no direitu ba feto no labarik feto sira nian internasionalmente.

“Ami iha Timor-Leste orgullu atu realiza hamutuk eventu ida ne’e ho SEI hanesan reflesaun ida ba ami nia komitmentu atu fasilita dailogu kona-ba politika iguladede jéneru ho governu no parseiru sosiedade sivil sira.

Enkuantu, panelista sira ne'ebé partisipa iha diskusaun ne'e mak Embaixador Australia ba lgualdade Jéneru, SEI, SEFOPE, Working Women's Centre Timor-Leste (WWCT), Konfederasaun Sindikatu Timor-Leste (KSTL) no Organizasaun Traballadór Internasionál (ILO).

Rate this item
(0 votes)
Last modified on Tersa, 12 Setembru 2023 16:52

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31