Segunda, 29 Novembru 2021 | Login
Ministru Prezidensial Konsellu Ministru Fidelis Leite Magahães. Foto:Dok. Ministru Prezidensial Konsellu Ministru Fidelis Leite Magahães. Foto:Dok.

Governu Propoin ba PR Renova EE ba Loron 30 Tan

DILI: Governu liu husi reuniaun Konsellu Ministru (KM) deside atu propoin ba Prezidente Repúblika, Francisco Guterres Lú Olo, hodi renova Estadu Emerjensia (EE) ba loron 30 tan, nune’e sei permite suspensaun ka restrisaun ba direitu sidadaun sira no garantia fundamental balun.

“Ohin Konsellu Ministru desidi atu propoin ba Prezidente Repúblika atu halo renovasaun ba estensaun Estadu Emerjénsia ba loron 30 tan, iha fulan-Outubro oin mai,”dehan Ministru Prezidensial Konsellu Ministru Fidelis Leite Magahães, iha Palasiu Governu, kuarta ne’e (22/09).

Tanba ne’e, Prezidente Repúblika sei konvoka reuniaun ho Orgaun Konsellu Estadu no Konsellu Seguransa sira, hafoin haruka pedidu ba Parlamentu Nasional hodi halo diskusaun.

Nune’e, ho hanoin ida katak kauza determinante sira ne’ebé justifika ona deklarasaun estadu emerjénsia ho nia renovasaun sira kontinua mantein, no atu bele evita no neutraliza risku propagasaun sira husi variante foun SARS- CoV-2.

Entretantu, molok ne’e, Prezidente Repúblika dekreta EE ba dala-17 hahú iha tuku 00.00 loron 31 fulan-Agostus no sei termina iha tuku 23.59 loron 29 fulan-Setembru tinan 2021.

 

Asistente Editor: Saturnina da Costa

Read 382 times
Rate this item
(0 votes)