Sexta, 24 Setembru 2021 | Login
Ministru Adminitrasaun Estatal, Miguel Pereira de Carvalho. Foto: Dok/Independente. Ministru Adminitrasaun Estatal, Miguel Pereira de Carvalho. Foto: Dok/Independente.

Governu Nomeia Ona Prezidente Autoridade Munisipiu Hat Featured

DILI: Governu liu husi reuniaun Konsellu Ministru (KM) aprova ona projetu Rezolusaun Governu nian hodi nomeia Prezidente Autoridade Munisipal na’in haat, ne’ebé aprezenta husi Ministru Administrasaun Estatál, Miguel Pereira de Carvalho.

“Ba nomeasaun Prezidente Autoridade Munisipál Bobonaro nian mak Ernesto de Oliveira Barreto, Eusébio Salsinha ba Prezidente Autoridade Munisipál Ermera, Pedro Paulo Gomes ba Administradór Munisipál Likisá nian, no Bernardo Lopes ba kargu hanesan Administradór Munisipál Manatutu,”dehan Ministru Prezidensia Konsellu Ministru, Fidelis Leite Magalhães iha konferensia imprensa, salaun Ministeriu Finansas Aitarak-Laran, Dili, kuarta ohin (16/05). 

Porta Vos ne’e informa, nomeadu na’in haat ne’e sei hala’o respetiva funsaun sira iha rejime komisaun servisu nian, ba períodu tinan lima, konta husi data simu pose nian.

Entretantu, Ministru Adminitrasaun Estatal, Miguel Pereira de Carvalho hatete, Konsellu Ministru delibera ona Prezidente Autoridade Munisipal ba Munisipiu hat iha periode tinan lima, no tempu badak Ministeriu sei organiza hodi fó pose ba Prezidente Autoridade no Adminitrador na’in hat.

Enkuantu, Prezidente Autoridade husi Munisipiu neen antes ne’e hala’o ona sira nia knar mak hanesan, Prezidente Autoridade Baucau, Lautem, Vikeke, Covalima, Aileu no Ainaro.

 

Asistente Editor: Saturnina da Costa

Read 430 times Last modified on Kuarta, 16 Juñu 2021 17:14
Rate this item
(0 votes)