Enkuantu, iha Projetu Rezolusaun Governu nian ne'e, nomeia mós Vogal Konsellu Fiskál na’in rua hanesan, Regina de Jesus no Acácio Pinto.

"Ohin (horiseik) Konselhu Ministru aprova ona projetu rezolusaun governu nian, nomeia João Amaral nuudar Prezidente Konselhu Fiskál Empreza Públika Bee Timor-Leste (BTL,E.P) no Regina de Jesus no Acácio Pinto nuudar Vogal Konsellu Fiskál BTL,E.P nian,” dehan Ministru Prezidensia Konsellu Ministru Fidelis Leite Magalhães iha Palasiu Governu, kuarta horseik (27/4).

Nia hatutan, Konselhu Fiskál nuudar orgaun fiskalizasaun BTL,E.P garante kumprimentu husi norma legal, norma estatutaria no norma regulamentar sira ne’ebé aplikavel ba empreza no fiskaliza ninia jestaun finanseira no patrimonial.

Fidelis explika, kompete husi Konsellu fiskal nu'udar orgaun fiskalizasaun sira ne'ebé aplikavel ba empreza públika ida ne'e nian.

Enkuantu, tuir estatutu empreza públika ida nian, nomeasaun no propoin husi membru governu ne’ebé responsavel ba setor bee no saneamentu, Ministru Abel Pires da Silva no husi membru governu ne’ebé responsavel iha area finansas nian, Ministru Rui Augusto Gomes.

Entretantu, Presidente atual Konsellu Administrasaun BTL.EP agora mak Carlos Peloi dos Reis.