Governu Monta Ona Tanki Fase Liman iha Mandarin no CCD

Abril 29, 2024

Governu Monta Ona Tanki Fase Liman iha Mandarin no CCD ^Featured

By Ekipa INDEPENDENTE Marsu 28, 2020 2449

Ministériu Obras Públikas (MOP), husi Direnasaun Jerál Água no Saneamentu (DGAS) liu husi ekipa Task Force Diresaun Nasionál Servisu Água (DNSA) solda no monta tanki fase liman iha dalan protokolu iha Mandarin no terminál CCD, Merkadu Lama, Dili. Foto esp.

DILI: Governu Timor-Leste kontinua esforsu hodi prepara fasilidade balun nu'udar parte ida husi asaun prevensaun ba Corona Virus Deasses 2019 (Covid-19).

Iha Sesta (27/03), Ekipa Task Force husi Diresaun Nasional Servisu Agua (DNSA) Ministériu Obras Públikas (MOP) monta ona tanki fase liman iha dalan protokolu Mandarin no terminal Sentru Konvensaun Dili (CCD), merkadu antigu, Dili.

"Ministériu Obras Públikas (MOP), husi Direnasaun Jerál Água no Saneamentu (DGAS) liu husi ekipa Task Force Diresaun Nasionál Servisu Água (DNSA) kontinua esforsu solda no monta tanki fase liman iha dalan protokolu iha Mandarin no terminál CCD, Merkadu Lama, Dili," informa MOP.

Tuir informasaun ne'ebé INDEPENDENTE asesu husi pajina facebook Ministériu Obras Públikas, objetivu husi monta tanki fase liman ne'e atu bele fasilita komunidade sira ne'ebé hala'o movimentu iha dalan públiku hodi bele fase liman nune'e bele evita Covid-19.

"Ekipa Task Force monta tanki sira ne'e hodi fasilita komunidade ne'ebé halo movimentu iha dalan públiku bele fase liman evita moras Covid-19".

Rate this item

(0 votes)