Segunda, 27 Setembru 2021 | Login
Pesoal Saude sira ne'ebe halo tratamentu ba paasiente Covid-19 iha Izolamentu. Foto INDEPENDENTE Pesoal Saude sira ne'ebe halo tratamentu ba paasiente Covid-19 iha Izolamentu. Foto INDEPENDENTE

Governu Mantein Fó $25 ba Pesoal Saúde iha Liña Oin Featured

DILI: Ministru Saúde interinu Bonifacio Maukoli dos Reis hatete, desizaun ba valor suplementu renumeratoriu ba pesoal saúde iha liña oin la’os mai husi Ministériu Saúde (MS) maibé Konsellu Ministru mak deside.

Tuir Maukoli, Konsellu Ministru (KM) deside hodi fó osan $25 ba pesoal saúde sira ne’ebé halo asistensia direitamente ba pasiente Corona Virus Deasses 2019 (Covid-19).

“Konsellu Ministru haree ba situasaun sira agora ne’e sei iha kazu lizeira tanba ne’e mak selu tuir ida ne’e,” dehan Maukoli iha salaun Ministériu Finansas, Aitarak Laran, Kuarta (13/05).

Nia hatutan, tanba kazu Covid-19 iha TL kategoria kazu kaman nune’e KM deside hodi slu $5 to’o $25 ba sira ne’ebé serbisu ba prevensaun Covid-19 iha TL.

“Orsamentu ne’e tau ba fulan 6 nian, haree ba situasaun (karik iha) mudansa, subsidiu ne’e sei hasa’e fali. Tanba ne’e mak agora dadaun sei estuda no identifika ema sira ne’ebé mak iha liña oin no sira ne’ebé envolve iha prevensaun no kombate Covid-19,” nia hatete.

Read 2499 times
Rate this item
(0 votes)