Tersa, 07 Dezembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-12-05&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Reuniaun Konsellu Ministru diriji husi PM Taur Matan Ruak, iha Palasiu Governu. Foto: Media Gabineti  MPCM. Reuniaun Konsellu Ministru diriji husi PM Taur Matan Ruak, iha Palasiu Governu. Foto: Media Gabineti MPCM.

Governu La Renova EE, Aplika Regras Esesional Featured

DILI: Governu liu husi reuniaun Konsellu Ministru (KM) desidi la renova estadu emerjensia, ne’ebé sei termina iha loron 28 Novembru 2021.

Nune’e, sei aplika regras esesional no temporaria vijilansia sanitaria nian ba resposta pandemia Covid-19.

Desizaun ne'e Governu foti hafoin rona aprezentasaun husi Kordenador Sala Situasaun Sentru Integradu Jestaun Krize (SIJK), kona ba pontu situasaun epidemiologika iha rai laran.

Ho nune’e, Governu mós hare ba Dekretu lei Nu 10/2004 kona-ba lei Sistema Saúde ne'ebé foin lalais Promulga ona husi Prezidente Repúblika, Fransisco Guterres “Lu-olo”.

“Hafoin rona aprezentasaun husi SIJK, Konsellu Ministru diskute, tetu no desidi hodi la renova ona estadu emerjensia ne’ebé sei termina iha loron 28 Novembru 2021,”dehan Ministru Prezidensia Konsellu Ministru Fidelis Magalhães iha Palasiu Governu, kuarta ne’e (24/11).

Governante ne’e afirma, Governu deside la renova EE la'os tanba moras Covid-19 ne'e laiha ona, maibé moras ne'e sei kontinua fó ameasa.

Tanba ne’e, husu ba sidadaun sira, maske laiha ona EE, maibé uza lei Sistema Saúde nian, hanesan gia ida ne’ebé sai giaun ba atuasaun sira liuliu iha artigu 3 sistema saúde nian, ne'ebé sei vigora iha periodu loron 120 nia laran.

Iha ne’ebá Parlamentu Nasional aprova no Prezidente Repúblika promulga ona, ida ne’e loke dala atu lapresiza uza tan makanismu ida hanaran estadu emerjensia.

Entretantu, Governu desidi kedan hodi halo mós aprovasaun ba Dekretu lei kona-ba medida esesional no temporaria Vijilansia Saniataria nian ba resposta pandemia Covid-19.

Enkuantu, kompara ho medida vijente sira no diploma mantein parte bo’ot husi medida imposta no rejista alterasaun balun, hanesan bainhira tama mai territóriu nasionál la presiza hetan autorizasaun husi Primeiru-Ministru, maibé tenke sujeita nafatin ba kontrolu sanitáriu no hatudu rezultadu negativu teste SARS-CoV-2 nian.

Ba lisensa autoridade no aktu administrativu sira seluk no dokumentu sira mantein válidu to'o loron 31 fulan-dezembru tinan 2021. Nune'e bainhira prazu la fiksa tuir akordu internasionál la tuir lei ne'ebé Parlamentu Nasionál aprova tuir rezerva kompeténsia absoluta, nafatin halo izolamentu profilátiku obrigatóriu iha termu sira ne'ebé define antes ona.

 

Asistente Editor: Saturnina da Costa

Read 155 times
Rate this item
(0 votes)