Iha serimonia ne’e, Prezidente Parlamentu Nasional, Anicetu Guterres, entrega direita xavi ba benifisiariu sira, nune’e nia husu ba benifisiariu sira atu uza uma ne’ebé estadu oferese ho kuidadu.

“Ha’u entrega xavi no uma mak ne'e, no uza ho kuidadu, estadu nia kbiit mak ida ne'e la bo'ot liu, uituan maibé bele fasilita no ajuda ona faluk no oan kiak sira nia kondisaun, maske sira laiha kbiit atu halo uma diak no dignu hanesan ema seluk, nune’e parabens bai mi no kuidadu ba,”dehan nian iha Suku Ostiku, sesta horseik (26/11).

Nia haktuir, oitavu Governu nia objetivu atu dignifika povu kbiit laek sira ne’ebé moris iha pobreza laran, ho ida ne’e mak Governu planu hodi implementa programa ida hanaran Uma Kbiit Laek.

Entretantu, Xefi Suku Ostiku, Policarpo da Silva, agradese ba Prezidente Parlamento Nasional no entidades sira hotu, ho fuan no domin bo'ot ba komunidade ostiku hodi marka prezensa ba serimonia inagurasaun Uma kbiit Laek ba benefisiariu husi Suku ne'e rasik.

Benifisiariu Siti Julay da Costa, agradese mós ba Governu ne’ebé, oferese uma dignu ba sira.

Enkuantu, benifisiariu sira ne’ebé hetan Uma Kbiit Laek mak hanesan, Ermezilda Freitas, Filomena Marques no Siti Julay da Costa.

Asistente Editor: Saturnina da Costa