×

Atenção

JUser: :_load: Não foi possível carregar usuário com ID: 419

JUser: :_load: Não foi possível carregar usuário com ID: 425

Governu Fó Toleránsia pontu Loron Rua iha Eleisaun Presidensiál Featured

By INDEPENDENTE Marsu 15, 2017 1577
Reniaun Konsellu Ministrus Reniaun Konsellu Ministrus

DILI:Governu deside ona hodi fó toleránsia pontu iha loron 20 no 21 fulan-marsu tinan ne'e iha eleisaun presidensial.

Pontu toleransia ne'e ba funsionáriu no ajente sira hotu husi ministériu sira ka servisu sira ne’ebé dependente ba sira, nune’e mós husi institutu sira no organizmu integradu nian sira iha administrasaun indireta Estadu nian, tanba volta dahuluk eleisaun prezidensiál nian.

“Ita hatene katak votante barak maka halo ona resensiamentu iha sira-nia munisípiu orijen, ne’ebé iha mós kazu barak, maka fatin votasaun nian la’ós iha sira-nia hela fatin, nune’e votante sira sei presiza sai husi sira-nia hela fatin atubele hala’o sira-nia direitu no devér polítiku no fila-fali mai sira-nia hela-fatin,”liu husi komunikadu hateten.

Desizaun ida ne’e tuir Lei n.u 10/2015, loron 10 fulan-agostu, ne’ebé determina loron sira hanesan feriadu nasionál no data ofisiál komemorativa sira, ne’ebé prevee katak bele fó toleránsia pontu tanba motivu akontesimentu nasionál, iha kazu partikulár ida ne’e, kona-ba data ida eleisaun nian. 

Rate this item
(0 votes)

Independente Digital TV