Governu Aplika Serka Sanitaria Iha Munisipiu Manufahi To’o 15 Setembru

By Agostino Santos Gama Setembru 01, 2021 359
Reuniaun Konsellu Ministru diriji husi Ministru Planu Ordenamentu, Jose Reis. Foto:Gab.MPO. Reuniaun Konsellu Ministru diriji husi Ministru Planu Ordenamentu, Jose Reis. Foto:Gab.MPO.

DILI:Governu liu husi reuniaun Konsellu Ministru (KM) deside aplika mós serka sanitaria iha Munisipiu Manufahi hahú husi loron 2 to’o loron 15 fulan-Setembru tinan 2021.

Desizaun ne’e Governu foti, hafoin halo análiza ba aprezentasaun husi Sala Situasaun Sentru Integradu Jestaun Krize (SIJK), kona ba pontu situasaun epidemiolójika nasionál.

“Impoin serka sanitária iha Munisípiu Manufahi, hahú husi loron 2 fulan-setembru to’o loron 15 fulan-setembru tinan 2021. Nune’e, bandu ema atu tama no sai husi munisípiu ne’e, exetu tanba siguransa públika, saúde públika, asisténsia umanitária, manutensaun sistema abastesimentu públiku ka realizasaun interese públiku,”dehan Ministru Prezidensia Konsellu Ministru Fidelis Leite Magalhães iha salaun Ministeriu Finansasa, kuarta ne’e (01/09).

Governante ne’e hatutan, proibisaun hirak ne’e la abranje ba ema hirak ne’ebé komprova ona vasinasaun kompleta (doze rua) kontra COVID-19, nune’e mós ba labarik ki’ik sira ho idade  tinan neen (6) mai-kraik ne’ebé akompaña ema sira ne’e.  

Entretantu, Serka sanitária sira-seluk ne’ebé sei vigora hela, la sofre alterasaun saida de’it.

 

Asistente Editor: Saturnina da Costa

Rate this item
(0 votes)
Last modified on Kuarta, 01 Setembru 2021 16:55

Independente Digital TV