“FRETILIN hakarak hamosu konfigurasaun iha meza Presidénsia hodi involve tan maluk sira husi partidu rua seluk,”dehan Vise Presidente Partidu FRETILIN, Francisco Miranda Branco ba jornalista sira iha PN, kuinta horsehik.

Tanba tuir Branco, FRETILIN laiha ambisaun atu raut hotu kargu iha formasaun IV lejislatura nomos VII governu konstitusionál.

Agora daudaun Partidu Demokratiku (PD) no Kmanek Haburas Unidade Nasional Timoroan (KHUNTO) involve ona iha meza presidénsia parlamentu nasionál.

Tanba ne’e FRETILIN sei fó oportunidade ba partidu Concelho Nacional Reconstrusaun Timorense (CNRT) no Partidu Libertaaun Popular (PLP) ba vise Presidente Parlamentu Nasionál.

Sistema ne’e foun ida ba Timor-Leste entaun FRETILIN hakarak introdus atu nune’e reperejentasaun husi forsas politiku sira iha parlamentu bele hetan konfigurasaun.

Tan ne’e, bankada FRETILIN sei hatama proposta ba meza PN atu estuda.