Domingu, 05 Dezembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-12-04&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Franzinha Felisidade ho idade 13, hanesan juventudi husi Munisipiu Aileu, hetan konfiansa hodi assume kargu Sekretaria Estadu Igualidade no Inkluzaun (SEII), durante oras balun nia laran. Foto: Media SEII. Franzinha Felisidade ho idade 13, hanesan juventudi husi Munisipiu Aileu, hetan konfiansa hodi assume kargu Sekretaria Estadu Igualidade no Inkluzaun (SEII), durante oras balun nia laran. Foto: Media SEII.

Franzinha Felisidade Asume Kargu SEII Durante Oras Balun

DILI: Franzinha Felisidade ho idade 13, hanesan juventudi husi Munisipiu Aileu, hetan konfiansa hodi assume kargu Sekretaria Estadu Igualidade no Inkluzaun (SEII), durante oras balun nia laran.

Atividade ne’e, realiza iha ambitu komemorasaun loron mundial labarik feto, nune’e, Plan Internasional hanesan parseiru dezenvolvimentu hili nia hodi assume kargu hanesan Sekretaria Estadu Igualidade no Inkluzaun (SEII), atu nune’e bele hatene papél SEII nian.

Ho pozisaun ida ne’e, Franzinha ho orgullu hatoo diskursu formal no loke ofisialmente Women's Leadership Academy YSEALI workshop hamutuk ho Enkaregadu Negósiu Embaixada Estadus Unidus  Ámerika (EUA) Sr. Tom Daley, Sekretária Estadu ba Igualdade no Inkluzaun, S.E. Maria José da Fonseca Monteiro de Jesus no mós Koordenadora ba programa refere Sra. Rosalia Elfy Trindade.

Hafoin loke atividade ida ne’e, Franzinha mós vizita edifisiu Sekretaria Estado Igualdade no Inkluzaun (SEII) hodi lidera enkontru ho estrutura SEII nian.

“Ita iha lei ne’ebé impoin kuota ida, nune’e ohin ita iha maluk feto 40% iha Parlamentu Nasional no lei eleisaun suku mós obriga reprezentante feto foinsa’e iha konsellu suku no mós ejize kandidata feto tenki iha eleisaun suku, no oras ne’e ita hetan 5% xefe suku feto no 4% xefe aldeia feto,”dehan nia iha komunikadu ne’ebé Online INDEPENDENTE asesu, liu husi pajina ofisial SEII, segunda ne’e.

Entretantu, Sekretaria Estadu Igualidade no Inkluzaun, Maria José da Fonseca de Jesus Monteiro iha nia intervensaun hatete, sei esforsu makas liu husi knar oin-oin ne’ebé iha atu asegura katak labarik feto sira hotu iha Timor laran bele goja sira nia direitu hanesan labarik no bele moris livre husi violensia oin-oin ne’ebé iha.

PlTL hatoo agradesimentu uain ba parte hotu prinsipalmente ba Sekretária Estadu ba Igualdade no Inkluzaun,  Maria José da Fonseca Monteiro de Jesus hodi hola parte ba atividade Labarik Feto Asume Pozisaun kada tinan no ami apresia tebes ho kooperasaun ida ne’e.

Programa ne’e Plan International realiza iha munisipiu tolu mak hanesan Munisipiu Aileu, Ainaro no Dili.

Read 165 times
Rate this item
(0 votes)