Diretora Fokupers, Maria Fátima Pereira hateten, Fokupers koko atu bolu lider komunitária sira oinsá reintegra hikas sobrevivente sira fila fali ba hela iha komunidade tanba sira la hela permanente iha uma mahon sira.

“Hakarak ka lakohi sira tenke fila ba komunidade tanba komunidade nia papél boot ho lider komunitaria atu bele fó motivasaun ba maluk sobrevivente sira,” nia hateten iha salaun Fokupers Faról, Kuarta (19/10/2022).

Dala ruma lider komunitária sira hanoin dehan sidadaun hotu-hotu hanesan no komunidade liga ho lider komunitáriu atu tau prioriedade liu ba komunidade atu haree didi’ak ba sobrevivente sira.

Atividade ida-ne'e organizasaun rua ne’e la'o ho projetu ida ne'ebé ho naran reforsa hamutuk ho objetivu oinsá tenki la'o hamutuk nafatin ho vitima sobrevivente sira hodi haforsa malu labele husik sira iha fatin mesak.

Sira kontente tanba nesesidade iha ne'ebá kompletu hotu, tanba alokasaun husi MSSI maibé kestaun maka prosesu integrasaun ne’e.

"Ita mós iha responsabilidade atu investe ba sira atu fila ba sira nia komunidade atu sai forte liu tan, hodi bele hadi’a sira nia sikulu ekonomia familia nian,” nia tenik.