Jestor Prinsipal (FM), Abel Amaral hatete, Jornal INDEPENDENTE nia ezistensia tinan 11 maibé publika notisia ho kualidade.

“Ha’u reprezenta staf tomak iha Fundasaun Mahein hatoo ami-nia votus parabens ba jornál INDEPENDENTE ba tinan 11, ida ne’e ita kompara ema sei hanesan labarik, maibe imi-nia dedikasaun, kontribui ba informasaun, ami rekomenda mak hanesan INDEPENDENTE tenke marka istoria hatudu nafatin kualidade notisia ho imparsial,” dehan Abel iha knaar fatin Bairu dos Grilhos, Sesta (01/04).

Tuir nia, durante ne’e jornál INDEPENDENTE sai hanesan mós parseiru di’ak ba FM no FM akompaña katak informasaun ne’ebé jornal INDEPENDENTE públika kada loron di’ak no kualidade.

“Kona-ba informasaun notisia sira ami haree jornál INDEPENDENTE di’ak, ita kompara ho jornál sira seluk ne’ebé eziste uluk ona, tanba ami kongratula no parabens ba imi tomak ekipa jornál INDEPENDENTE nafatin firme hanesan instituisaun independente ida di’ak no kredivel,” katak nia.