FKHTL Inagura Uma Ba Oan-Kiak Na’in Rua Iha Madohi

By Gregorio da Costa Jullu 30, 2021 537
Uma oan kiak na'in rua nian ne'ebe konstrui husi FKHTL. Foto: Grigoriu/Independente. Uma oan kiak na'in rua nian ne'ebe konstrui husi FKHTL. Foto: Grigoriu/Independente.

DILI: Forum Karidade Umanitaria Timor-Leste (FKHTL) ohin (30/07), inagura uma ba oan-kiak na’in rua iha Aldeia Naroman, Suku Madohi, Postu Administrativu Don Aleixo, Munisipiu Dili.

Enkuantu, Partisipa iha serimonia inagurasaun ne’e, Laureado Novel da Páz, José Ramos Horta, Prezidente Partidu Demokratiku (PD), Reprezentante husi Ministeriu Solidariedade Sosial no Inkluzaun (MSSI).

Oan-kiak na’in-rua ho naran Fernanda da Costa ho idade 18 no nia alin Tomazia ho idade 9 ne’ebé durante ne’e hela iha uma ne’ebé kondisaun la dun diak.

Prezidente FKHTL Miguel de Araujo hatete, FKHTL nia knar mak atu dignifika no valoriza inan-faluk no mós oan-kiak sira.

“Tanba ne’e, loron ida ohin hanesan loron karidade ba inan-faluk no oan-kian sira, nune’e mós selebra loron aniversariu FKHTL nia ba dala V,”dehan nia iha Sede Suku Madohi, sesta ohin.

Tuir nia, FKHTL nu'udar forum ida ne'ebé halibur Juventude no estudantes hodi hala'o servisu espiritu voluntarismu ba ema hotu no instituisaun ho domin na’in no fuan bo’ot hodi ajuda.

Iha Fatin hanesan Fernanda da Costa, agradese tebes ba esforsu FKHTL ho menbru sira, ne’ebé konstrui ona uma ida ba sira na’in-rua nia alin, tanba sira hela iha Aldeia Naroman desde kiik to’o agora, ho kondisaun uma ne’ebé ladiak maibé laiha ema ida mak atu halo uma ba sira.

Entretantu, uma ne’ebé oan-kiak na’in-rua hela gastu orsamentu ho montante hamutuk dolar amerikanu $5.827.

 

Asistente Editor: Saturnina da Costa

Rate this item
(0 votes)

Independente Digital TV